8鍋臭臭鍋 (金巴利道) (已結業)

已经好耐冇黎呢间餐厅食啦，今天突然好挂住佢既臭臭锅味道，所以约埋友人一齐陪我食!我地大概平日7点半左右到达，仲未需要排队，但眼见舖头都差不多坐满了!我地安排入座后，迟一点黎的人都要排队啦!餐厅冷气够，打边炉唔怕出哂汗!既然我系为左臭臭锅黎，当然要食佢既招牌臭臭锅啦，而友人就叫左药膳羊肉锅!我地加左$12转卤肉饭，比起跟餐的饭大碗D!D卤肉味道很够，而且不会太肥，食落口感丰富!招牌臭臭锅(小辣)，个人觉得小辣已经够辣了!汤底有淡淡的台式臭豆腐味，加埋辣一齐简直系绝配!配料方面还有肥牛、猪大肠、米血糕、丸类等等，而且仲有粉丝，十分足料，食完一个已经好饱好饱!药膳羊肉锅，汤底好有药材味，羊肉好有膻味，而汤底的味道可以盖过羊肉的膻味，所以食落感觉不错!最重要系佢既药膳汤底绝不马虎!配料亦是十分足料，冬菇、豆卜这些食材可以吸收哂汤既味道，令口感有层次!我地仲叫左两杯饮品多多绿同水蜜桃红茶，饮品够冻，可以中和返两个锅既热同埋辣!下次要黎食佢既麻辣锅!