十人十色 (已結業)

已有一段时间没有到此用膳，周日晚再去，整体上觉得尚算不错。除了最主要的--- 食物外，服务态度亦重要，呢度大部分侍应都做得到，反而几位相信系股东则成晚绷紧著脸，笑容欠奉。附近开有多间日式食肆，竞争在所难免，但若果能够给予顾客们有种悠闲、舒服的感觉，佢哋食都食得开心啲，有得比较，才有机会再回头。套餐改为梅兰菊竹四款，刺身亦分为云雨露等级别，但价钱、内容和之前吃到的大同小异。点了一份「菊」，主要对那尾盐烧秋刀鱼仍念念不忘，今次仍烧得不错，重冇以前咁咸。三文鱼标榜来自挪威，厚切剌身保持肥美丰腴的口感，好正! 三文鱼炒饭有点惊喜，饭粒够干身，配合菜粒来炒几香口，最快吃光。鸡扒窝的鸡扒几入味，伴的蛋花却老咗啲，汤底过甜，试了一羹就收工。后加的金菇和牛定食，肥牛配合洋葱炒得几惹味，但得好少汁，净食还可以，用佢来送饭就差啲，不过只收$33 咁平算系咁上吓。原本打算点一客六件嘅牛油果软壳蟹卷，谂住个名差唔多点了另一款皇帝蟹柳鲜芒果卷。之后才发觉睇漏了个「柳」字，由皇帝蟹变成蟹柳! 唔系唔好食，只不过较钟情软壳蟹啫。点的几款寿司就似乎差啲，火炙只是面层略变色，入口连丁点暖的感觉也没有，仍是冻冰冰，咁为乜