影片
更多
2009-04-12
19 浏览
每次上机之前都比较钟意食得丰富一D，因为上到飞机既食物都几令人受罪…今日唔太想去机场食，所以就决定同屋企人返黎La Parole食个long leisurely lunch~我地系比较早既一台客，订左12:30，入坐之后都只有另外两台客人，环境又静天气又食，胃口都好左~ 午餐有六个主菜选择，肉眼扒，青衣鱼扒，猪扒，火鸡肉，Shrimp Carbonara同埋一款亚洲美食~ 取决紧主菜既时候，侍应托出面包篮俾我地拣面包，亦都有介绍每个面包既特式~ 面包微暖，好软绵绵~ 最后爹地要左青衣鱼配香橙菠萝汁，妈咪就要左亚洲美食 - 香煎海鲈配黄姜汁，我同细佬都要肉眼扒~我地都要左自助沙律，不过原来唔只salad咁简单，仲有几款小食：牛肉串烧 - 可能早到既关系，串烧仲几热~ 牛肉粒好generous唔带过多既肥膏，肉既中心粉红色刚刚熟，咬落好腍好好味~ 不过唔系每一串既水准都高，细佬既冇咁好彩，拣左一串比较难咬既~牛油果酿蟹肉 - 卖相都味道都好吸引，牛油果well ripen，入口后牛油果既独特香味扩散，同拌左酱汁既蟹肉丝好夹~虾肉汉堡 - 见到buffet台上面有一个个切开四小份既小汉堡都呆
我地系比较早既一台客，订左12:30，入坐之后都只有另外两台客人，环境又静天气又食，胃口都好左~ 午餐有六个主菜选择，肉眼扒，青衣鱼扒，猪扒，火鸡肉，Shrimp Carbonara同埋一款亚洲美食~ 取决紧主菜既时候，侍应托出面包篮俾我地拣面包，亦都有介绍每个面包既特式~ 面包微暖，好软绵绵~ 最后爹地要左青衣鱼配香橙菠萝汁，妈咪就要左亚洲美食 - 香煎海鲈配黄姜汁，我同细佬都要肉眼扒~
我地都要左自助沙律，不过原来唔只salad咁简单，仲有几款小食：
牛肉串烧 - 可能早到既关系，串烧仲几热~ 牛肉粒好generous唔带过多既肥膏，肉既中心粉红色刚刚熟，咬落好腍好好味~ 不过唔系每一串既水准都高，细佬既冇咁好彩，拣左一串比较难咬既~
牛油果酿蟹肉 - 卖相都味道都好吸引，牛油果well ripen，入口后牛油果既独特香味扩散，同拌左酱汁既蟹肉丝好夹~
虾肉汉堡 - 见到buffet台上面有一个个切开四小份既小汉堡都呆左一呆…食左会唔会食唔落主菜架？好奇心驱使下都试左一个quarter~ 原来系炸过既虾堡，同其他小食相比唔算特别，但系都要赞佢制作认真，小小汉堡有齐生菜蕃茄酸瓜沙律酱，虾亦都好弹牙，我觉得比麦当当早期既将军虾堡好得多~~
薯仔沙律、苹果沙律 - 两款沙律都做得唔错，因为个dressing唔太heavy，我钟意个苹果沙律多D，有两种苹果粒，一只比较甜略略带粉，另一种就好爽带微酸，加埋既效果好好~
沙律菜有两三款，极甜车厘蕃茄，同埋几款salad dressing, balsamic vinegar & olive oil~ 菜类我只系试左少量，因为放左上碟之后唔方便拌匀，但系菜类新鲜鲜甜，比Applegreen既氧化生菜~
冻肉类 - 鸭胸，唔太咸好浓鸭香~ 火腿扒 - 厚切带咸香，虽然好味，但系略嫌火腿太多水份，所以口感有D失真~
好彩我地一行四人，可以每款小食都浅尝~ 虽然后期见到有寿司同埋酥盒供应，我地都冇试喇~ 头盘之后，我地大约倾左十五分钟偈，侍应就上主菜，quite well timed~
炭烤肉眼安格斯 - 法国菜黎计，呢到主菜既份量算巨型，卖相亦都唔讲究~ 牛扒烧得刚好，粉红色既肉中心带鲜红又冇血水，好浓既炭烧香，肉质亦都tender，不过肉味唔够强…我最唔欣赏个配汁，黑椒同磨菇汁之间我拣左磨菇汁…如果再拣既，我会要求配汁另上~ 唔系个汁煮得唔好，只系过浓过咸既汁破坏左牛扒本身既味道~
青衣鱼配香橙菠萝汁 - presentation做得唔错，颜色鲜艳~ 可惜青衣鱼扒本身鱼味唔重，肉质都偏实，唔会系我既选择~ 配汁最初入口都唔太接受，因为本人甚少用水果入馔…味道确实系似凤仙雪条…唔系唔好食，只系唔对口味~
香煎海鲈配黄姜汁 - 鲈鱼反而煮得好，煎得皮脆肉嫩~ 海鲈既肉质好滑，配呢个唔大创意既黄姜汁平凡得黎讨好~
甜品系香蕉pancake配士多啤梨汁，唔惊喜，不过不失~ 咖啡都系失望既行货…
我地食紧主菜既时候，餐厅都已经坐满喇~ 我地都庆幸我地早到唔驶同人迫，享受到短暂既安静…香港文化好特别，每一个选择左自助头盘既人都怕蚀底，眼见周围既人来回三四转，将每一只碟都堆满食物，食罢仲怨选择太少唔够饱…灌饱左汤之后就三番四次咁催主菜…it's a sunday lunch for heaven's sake! 难为左侍应喇…
见到咁既情况，我地饮完咖啡都唔想慢慢坐……
埋单 $580
主菜仍然有进步空间，但系记忆中，呢度既晚餐系充满惊喜架~
张贴
