Luxury (已結業)

终于完sem喇我！完左sem就紧系要揾个地方庆祝下，平日既我咁喂食，乜都摆得落口，但就因为咁而成日周围食，好多都食过搞到唔知食咩庆祝咁，最后chicken约左我黎食私房菜xd见佢咁识揾，当然要赞下，而今次既庆祝我都非常开心～Luxury既地方位置比较隐蔽，门外冇任何招牌餐牌，而且需要订枱，黎到门前亦要禁钟等人开门，感觉非常神秘xd入到去个环境都几宽敞，摆设唔多，挂墙物增加左几分高贵感，不过整体上较为朴素。白松露油三文鱼凯撒沙律，前菜已经做到好丰富，沙律需要自己落酱搞拌，三文鱼肉质肥厚，但有少少腥味，而且口感有啲肥腻，有别于一般日本既三文鱼，蔬菜新鲜爽脆，不过就系依种三文鱼我唔太好扣左分。蕃茄蟹肉忌廉汤，茄味浓郁带淡淡既忌廉香，惊喜既系佢蟹肉份量十分之多，可以话系啖啖都食到蟹肉，令个汤更加鲜味，而且我好中意佢蕃茄既汤底～安格斯牛肉眼意大利粉，份量唔算太多，酱汁充满牛肝菌味，意粉吸收晒酱汁既味道，味道香口惹味。牛肉切成一小块，口感软淋而且牛味满溢整个口腔。慢煮香脆黄油鸡卷酿海虾黑松露鸡汁，主菜好少食到既鸡卷，所以觉得几特别就拣左一试，外层为薄薄一层鸡皮，内里则系厚嫩既鸡肉，食落去外脆内软，