鮮芋仙 (V Point )

营业中

休息中

呢一间台湾必食嘅甜品店旋风式系香港开咗几间连锁店。无论堂食，外卖都好，都会有两条好长嘅人龙，同时次次望住佢嘅餐单，都谂唔到应该食咩好，又想食仙草，又想食芋圆，最后就拣咗招牌仙草沙冰为我既饭后品。坦白讲，以呢一个价钱都叫做有少少贵，但质素真系无跌过watt，鲜草自家制，又滑又有少少甘草味。芋圆又系烟韧到好想食完一粒又一粒，不过呢，我觉得同台湾有少少分别嘅在于佢个仙草沙冰底，香港版嘅沙冰冇咩仙草味，同时间喺室温一段时间沙冰都未融得哂，令到成个甜品会越食越淡（间间分店都系咁）但顺带一提，好欣赏佢外卖匙羹嘅设计，匙羹嘅前部份为平口，方便笃沙冰同（不）芋圆！