影片
更多
2017-04-24
646 浏览
一连几日复活节假，无外游嘅打算，不过，就揾咗一日同老婆晌港岛区行山，拣咗只得1星极易行嘅港岛径第3段。行完山，落天后揾食，皆因一条电器道已选择多多，啲价位又街坊。走入 「绿野仙踪茶座 」，环境新簇，原来新开无耐，算喺「仙」试为快。店内装修唔算好特别，但胜在简约干净，光猛醒神，尤其行完山，都有少少攰，如果环境太有情调真喺怕食食吓瞓着咗。我哋真喺好早嚟到，都仲未有客，食到中段，已有唔少客人帮衬。其实，晌门口经过时，已有店员介绍过佢哋嘅晚市套餐，平平哋$60、$70已有交易，贵啲嘅都喺$90松啲，所以，一早已打算点晚餐。套餐全包沙律或餐汤、主菜（9拣1）及饮品。惠顾套餐仲有啲升级优惠，如加配香脆鸡翼、日式炸饺子、玫瑰奶冻……等等。然而，惯性都会影低啲餐牌，俾自己留个记录又好，当俾有兴趣嚟试嘅人当参考又好。个餐牌制作感觉几清新，部份菜式附有图片，啲字大只而清晰，见过有啲餐厅，真喺做得好迤，又细、又蒙。讲到个散点餐牌，选择都几多，分类为全日瑰丽早餐、沙律、汤品、前菜、烩饭、意大利面、甜品、梳打、台式饮品、花茶……等等。是日餐汤配法式蒜蓉吐司我哋两个点两客晚餐，自然就喺一个拣汤，一个拣沙律。是日餐
走入 「绿野仙踪茶座 」，环境新簇，原来新开无耐，算喺「仙」试为快。店内装修唔算好特别，但胜在简约干净，光猛醒神，尤其行完山，都有少少攰，如果环境太有情调真喺怕食食吓瞓着咗。我哋真喺好早嚟到，都仲未有客，食到中段，已有唔少客人帮衬。
其实，晌门口经过时，已有店员介绍过佢哋嘅晚市套餐，平平哋$60、$70已有交易，贵啲嘅都喺$90松啲，所以，一早已打算点晚餐。套餐全包沙律或餐汤、主菜（9拣1）及饮品。
惠顾套餐仲有啲升级优惠，如加配香脆鸡翼、日式炸饺子、玫瑰奶冻……等等。
然而，惯性都会影低啲餐牌，俾自己留个记录又好，当俾有兴趣嚟试嘅人当参考又好。个餐牌制作感觉几清新，部份菜式附有图片，啲字大只而清晰，见过有啲餐厅，真喺做得好迤，又细、又蒙。讲到个散点餐牌，选择都几多，分类为全日瑰丽早餐、沙律、汤品、前菜、烩饭、意大利面、甜品、梳打、台式饮品、花茶……等等。
是日餐汤配法式蒜蓉吐司我哋两个点两客晚餐，自然就喺一个拣汤，一个拣沙律。是日餐汤喺忌廉蘑菇汤，以别致嘅小碗盛载，并伴有一件法式蒜蓉吐司。个忌廉汤做得几好，睇到混有唔少菌粒，用料无欺场，个人觉得口感就稍为稀咗少许。而吐司交足货，外脆内软，极富蒜蓉香味。
迷你沙律对比个汤，沙律就显得普通咗，因为只喺沙律菜，再唧啲沙律酱，加少少香草，无乜特色可言，如果加少少车厘茄，又或几片士多啤梨，喺咪好好多呢！幸而啲沙律菜够爽，开开胃都还可以。由于套餐只可2拣1，但可以+$8（升级优惠），配多一客餐汤或沙律。
黑松露野菌扁意粉 $85主菜老婆就拣定全素嘅扁意粉，睇外观就见个扁意粉非常多料，几款菇菌外，更加入唔少灯笼椒，认真啱晒佢。而且，相信下咗唔少松露酱，十分芳香馥郁，个汁嘅稀杰度啱啱好，所以，啲扁意粉好挂汁，又煮得够咬口，老婆就好赞个意粉。
辛香惹味冬荫功烩饭 $95小弟就拣咗刺激少少嘅冬荫功烩饭，其实，冬荫功就饮唔少，用嚟做烩饭，感觉几特别。一身橙红，鲜艳夺目，非常抢眼，但入口比预期少辣，所以，相信大部人都食得到，最亮点喺个味道，冬荫功𠮶份酸酸辣辣，又带香茅嘅味道好突出，再配合啲烩饭好咬口，海鲜料够鲜味，尤其啲虾颇爽口，整道烩饭都好出色。
唯一挑剔，肯定喺啲香茅嘅处理手法，因为大厨将香茅轧碎嚟煮，佢唔似葱、蒜，煮过之后变腍，香茅都仲喺咁硬身，非常巉口，都喺原支去煮个汁会合宜啲。
冻珍珠奶茶、热柠水唔使加钱都可以选台式咖啡、奶茶，就梗喺拣饮冻珍珠奶茶啦。奶茶香甜，啲珍珠够晒大粒，烟烟韧韧兼带有黑糖嘅自然甜味，近排开始天气热，加上个烩饭带微辣，所以，令杯冻珍珠奶茶让人饮得更爽。
因为我哋嚟得早，所以，客人当时唔太多，服务就自然熨贴啲，而且，食完都无点催我哋埋单，仲抹干净枱面叫我哋慢慢坐，故此，啲服务又真喺几好。此外，我睇餐牌时见写明收加一服务费，但最后埋单就无收，问问店员，原来喺新张关系，但几时先会收番就未知！
张贴
