影片
更多
2021-07-15
149 浏览
朋友好鍾意食蠔，今晚約左佢食飯。佢帶我去左一間「蠔吧」食飯。其實我個人對食生蠔有種恐懼，因為之前食過d生蠔後肚痾。知道今晚去「蠔吧」都驚驚地。但朋友話呢次保證我唔會肚痾之餘重會從此愛上食生蠔添！見朋友講到咁，就一於去試下啦。食生蠔最怕就係唔新鮮同埋唔乾淨。店員向我地講解佢地採用左英式開蠔技巧，確保清除曬生蠔所有污染物。而且餐廳幾日就會入一次貨，確保生蠔夠新鮮，令食客可以放心享用優質嘅生蠔～👍🏻Order左6隻生蠔，其中5隻係Tsarskaya、Carina、Sentinelle、Ostra Regal、Gillardeau，味道分別由淡至濃。店員建議我地由淡味嘅蠔開始食起。我驚肚痾但又想試下就揀左隻食。食完覺得肉質好飽滿，一d都唔覺得臭重食到鮮味😍！食生蠔我絕對係個門外漢，成日覺得生蠔好腥同有陣臭味，但今次食完呢度嘅生蠔之後令我對生蠔嘅印象完全改觀！當我想食多隻嘅時候發現朋友已經食曬😱！好後悔冇一早攞多幾隻放去自己隻碟度啊😭。蠔配白酒是perfect match！👍🏻🔶卡邦尼意粉 - 豬面頰肉、蛋、芝士(CARBONARA - GUANCIALE, EGGS AND CHEESE)汁用
食生蠔最怕就係唔新鮮同埋唔乾淨。店員向我地講解佢地採用左英式開蠔技巧，確保清除曬生蠔所有污染物。而且餐廳幾日就會入一次貨，確保生蠔夠新鮮，令食客可以放心享用優質嘅生蠔～👍🏻
Order左6隻生蠔，其中5隻係Tsarskaya、Carina、Sentinelle、Ostra Regal、Gillardeau，味道分別由淡至濃。
店員建議我地由淡味嘅蠔開始食起。我驚肚痾但又想試下就揀左隻食。食完覺得肉質好飽滿，一d都唔覺得臭重食到鮮味😍！食生蠔我絕對係個門外漢，成日覺得生蠔好腥同有陣臭味，但今次食完呢度嘅生蠔之後令我對生蠔嘅印象完全改觀！當我想食多隻嘅時候發現朋友已經食曬😱！好後悔冇一早攞多幾隻放去自己隻碟度啊😭。
蠔配白酒是perfect match！👍🏻
🔶卡邦尼意粉 - 豬面頰肉、蛋、芝士
(CARBONARA - GUANCIALE, EGGS AND CHEESE)
汁用蛋和芝士製成，夠濃足以掛在意粉上。未食過豬面頰肉，好奇係咩味。原來豬面頰肉有d鹹鹹地，味道類似Parma ham。
🔶西班牙黑毛豬扒配芥末醬、蘋果和蘋果醬、小椰菜花、汁煮薯仔(IBERICO PORK CHOP - POMMERY MUSTARD, CIDER AND APPLE SAUCE, GLAZED CARROTS, BRUSSEL SPROUTS, FONDANT POTATO)
未食見到塊黑毛豬咁厚重擔心入面會唔熟，切開發現熟透度啱啱好！廚師應該係用左慢煮方法烹調，令熱力慢慢滲透到肉裏面，令肉質既能保持嫩身又能鎖住肉汁，要讚一讚大廚嘅功力！👍🏻 黑毛豬配甜酸蘋果醬同吃既開胃又解膩。其他配菜如小椰菜花都不錯，嫩且脆口。薯仔粉腍，不錯。
🔶自家製士多啤梨慕斯配綠茶雪糕HOMEMADE STRAWBERRY MOUSSE WITH GREEN TEA ICE CREAM
呢個甜品賣相賞心悅目，睇得又食得😍。慕斯上有忌廉，不同顏色的花瓣葉片和士多啤梨乾插在忌廉裏，七彩繽紛，十分美麗～🥰另有些開心果粒圍在慕斯外。軟滑慕斯與硬身開心果粒同吃更添口感。士多啤梨慕斯唔會過甜，唔會食到膩，味道偏酸，令我不禁食完一啖又一啖！😋我鍾意食雪糕，尤其喜歡綠茶味。呢款甜品有綠茶雪糕正合我口味😋。
张贴
