影片
更多
2018-05-09
765 浏览
大埔都算系新界一个出名多嘢食嘅地方，一提起大埔嘅嘢食大家都会即刻谂起车仔面串烧同埋云吞面，不过今日就同朋友试咗间日式嘅拉面店水准非常之高，叫和拉面。餐厅嘅装修都系沿用日式嘅设计，门口钓住一个好大嘅红色灯笼写住豚骨，唔知系咪同呢度嘅汤底有关，座位都尚算宽躺，内部装修同埋灯光都几舒服满有日本风味。既然见到门口钓住大大个红色豚骨字灯笼我同朋友都叫咗个豚骨汤拉面，小食方面我哋就叫咗个芝士玉子同埋芝麻鸡翼。拉面即叫即做大概需时15分钟到拉面嘅汤底散发住好浓郁猪骨嘅香味，首先真系要赞一赞佢哋嘅豚肉，豚肉每一块都经过封煎嘅处理，有少少脆口同埋炭香嘅惹味。汤底有非常之浓郁嘅猪骨味道，汤嘅色泽比较上冇平日食开知名拉面铺汤底咁化白，感觉上汤底比较清澈但系绝对唔会淡口，反而呢一个猪骨汤底比出边比较知名嘅连锁食拉面铺做嘅汤底味觉层次上更加丰富，唔会系一尾只系浓味同重口味，我个人就几钟意呢个汤底。拉面嘅质地比较有咬口，慢慢食拉面食到最后会开始吸收豚骨汤嘅汤汁，你就食到每一啖拉面都有非常之浓郁嘅猪骨风味，再加上佢哋嘅漏心蛋满足感满满！之后就要讲讲佢哋两款小食，芝士玉子比较偏向一口小食，芝士味虽然唔系太重但系就突出
餐厅嘅装修都系沿用日式嘅设计，门口钓住一个好大嘅红色灯笼写住豚骨，唔知系咪同呢度嘅汤底有关，座位都尚算宽躺，内部装修同埋灯光都几舒服满有日本风味。
既然见到门口钓住大大个红色豚骨字灯笼
我同朋友都叫咗个豚骨汤拉面，小食方面我哋就叫咗个芝士玉子同埋芝麻鸡翼。拉面即叫即做大概需时15分钟到
拉面嘅汤底散发住好浓郁猪骨嘅香味，首先真系要赞一赞佢哋嘅豚肉，豚肉每一块都经过封煎嘅处理，有少少脆口同埋炭香嘅惹味。
汤底有非常之浓郁嘅猪骨味道，汤嘅色泽比较上冇平日食开知名拉面铺汤底咁化白，感觉上汤底比较清澈但系绝对唔会淡口，反而呢一个猪骨汤底比出边比较知名嘅连锁食拉面铺做嘅汤底味觉层次上更加丰富，唔会系一尾只系浓味同重口味，我个人就几钟意呢个汤底。拉面嘅质地比较有咬口，慢慢食拉面食到最后会开始吸收豚骨汤嘅汤汁，你就食到每一啖拉面都有非常之浓郁嘅猪骨风味，再加上佢哋嘅漏心蛋满足感满满！
之后就要讲讲佢哋两款小食，芝士玉子比较偏向一口小食，芝士味虽然唔系太重但系就突出咗玉子香甜既蛋味，质地非常之软熟但唔会过分松散。
芝麻鸡翼外层炸得非常之脆口，食落口唔会成口油唔会感觉 觉得油腻，不过食落口又真系非常之重嘅芝麻香，里面嘅肉汁封锁得非常之好。
我个人推介呢一间拉面店俾大家，好肯定同大家讲拉面嘅汤底未必一定系浓郁就代表系一种好嘅汤底，味道嘅层次同埋浓淡嘅调教先系表现出师傅嘅功架，大家不妨一试。
张贴
