自然屋日本料理

营业中

休息中

难得闲日有假放，做返次跟得夫人送先生返公司🥰好羡慕佢喺炮台山返工，附近就已经有好多好嘢食，处理完私人杂务之后，到我享受下一个人嘅午餐。喺附近行咗阵，俾呢间日式餐厅嘅门面吸引到，好似去咗日本街头咁，店内装修亦好有日本居酒屋嘅感觉，更估唔到咁靓嘅餐厅，价钱居然相当实惠。午餐有唔少选择，无论定食、乌冬、丼饭定寿司，都一应俱全，而且价钱相宜，绝对唔会令人肉赤👍🏻附带乌冬同小钵，小钵系渍海带，味道酸酸甜甜，好开胃👍🏻鱼生饭材料丰富，有三文鱼、带子、虾、蟹柳、八爪鱼、飞鱼子同吞拿鱼蓉，材料新鲜上乘，清甜肥美😋附带嘅乌冬亦唔细，绝对唔会饿亲。返工忙咗成朝，只能够利用午餐嘅时间忙里偷闲，如果能够享用到咁丰富嘅午餐，必定觉得元气满满♥️