影片
更多
2017-04-28
406 浏览
拍拖又唔一定系要浪漫的烛光晚餐嘅，我同老公都好钟意食中菜，常常都会去酒楼大排档食饭的，今晚稳稳阵阵富临食餐饭，但出品都几唔错架，值得写篇食评赞赞佢！第一道出场就系烧乳鸽，看图片好似个皮烧得几dry ，不过我觉得可以烧得再干身啲，食落更甘脆香口。蚝仔肉碎煮凉瓜，对于我来讲系一个几新颖的配搭，其实由于凉瓜呢个成份系老公指明要食话清热气，咁我食落我觉得啲蚝仔几juicy几可口，肉碎又几香，但我本人唔钟意食苦瓜，所以对苦瓜个方面冇意见。叫了金蒜银丝蒸带子，未上菜之前都十五十六 ，因为之前试过在另一间连锁酒楼叫过同一款菜式，出来的成品令人十分之失望！粒带子好霉，而且同个贝壳系分离的，而且劲多油，啲蒜蓉味有太重，粒带子冇鲜味.... 算啦往事不必再提，总之今晚呢味蒸带子见到实物之后令我十分之喜出望外，因为见到图片同实物竟然系相符的！而且粒带子又弹牙，又鲜美，厨房师傅仲好细心咁样切开个带子开边蒸，令到带子的肉可以比较平均咁样受热，上面亦都可以有比较大的面积让蒜蓉提升了带子的鲜，粉丝吸收了带子的鲜味同蒜蓉的香，而且煮得好入味，单食呢个粉丝都已经觉得好满足！行紧入去𠮶阵见好多台客都有叫铁板猪手，看来系
拍拖又唔一定系要浪漫的烛光晚餐嘅，我同老公都好钟意食中菜，常常都会去酒楼大排档食饭的，今晚稳稳阵阵富临食餐饭，但出品都几唔错架，值得写篇食评赞赞佢！
第一道出场就系烧乳鸽，看图片好似个皮烧得几dry ，不过我觉得可以烧得再干身啲，食落更甘脆香口。
蚝仔肉碎煮凉瓜，对于我来讲系一个几新颖的配搭，其实由于凉瓜呢个成份系老公指明要食话清热气，咁我食落我觉得啲蚝仔几juicy几可口，肉碎又几香，但我本人唔钟意食苦瓜，所以对苦瓜个方面冇意见。
叫了金蒜银丝蒸带子，未上菜之前都十五十六 ，因为之前试过在另一间连锁酒楼叫过同一款菜式，出来的成品令人十分之失望！粒带子好霉，而且同个贝壳系分离的，而且劲多油，啲蒜蓉味有太重，粒带子冇鲜味.... 算啦往事不必再提，总之今晚呢味蒸带子见到实物之后令我十分之喜出望外，因为见到图片同实物竟然系相符的！
而且粒带子又弹牙，又鲜美，厨房师傅仲好细心咁样切开个带子开边蒸，令到带子的肉可以比较平均咁样受热，上面亦都可以有比较大的面积让蒜蓉提升了带子的鲜，粉丝吸收了带子的鲜味同蒜蓉的香，而且煮得好入味，单食呢个粉丝都已经觉得好满足！
行紧入去𠮶阵见好多台客都有叫铁板猪手，看来系招牌菜，于是我哋又叫个来试下啰。个猪手真系唔错！煮得好淋，而且个黑椒汁真系好正，黑椒味够浓郁好惹味，当黑椒汁淋上铁板的一刹那，铁板的热力瞬间将黑椒汁的香气向四面八方喷射，令人精神为之一振，除了可以有味觉上的享受，连嗅觉都被刺激到，食欲大增！每一啖猪手无论系猪肉或者系猪皮都煮得好入味，同埋个姐姐砌猪手既size适中，基本上无咩肉会痴著旧猪骨度，一个表面上冇乜杀伤力的师奶，原来刀工咁好！
见价钱都几相宜，于是我地就叫埋一人一只南非鲍鱼！果皮蒸的味道，令到鲍鱼的鲜味提升了一个层次，纵使鲍鱼肉好厚身，但蒸得够火候，令到鲍鱼肉唔太淋得来够弹牙够口感！今晚呢餐饭食物质素都算几高，其实心里面系觉得几安慰的，因为有时帮衬连锁酒楼是心里面会有少少忐忑怕水准有参差，但今晚富临的表现很好，令人可以再次安心食用！
张贴
