金鶴拉麵 (九龍城道) (已結業)

之前去其他分店食过北海道海老浓厚拉面，味道唔错，几钟意个汤底，今日专程再到土瓜湾分店，想试下其他唔同口味汤底。特浓鸡白汤拉面🍜 : 超级浓郁鸡汤，味道比中式老火鸡汤更浓，感觉全只鸡既精华都集合喺碗汤底度。拉面上有一堆炸牛蒡丝，脆脆的好香口。黑蒜酱油拉面🍜 : 汤底看似好油但其实一啲都唔油，仲有好香蒜味，比一般酱油汤底更惹味。每碗拉面都有好多配料，紫菜、黑木耳、荀、温泉蛋，当然唔少得既日式义烧，另外仲有鸡肉。除左拉面，小食质素都唔错，点左饺子、盐烧鸡翼，饺子多肉汁，鸡翼烧到香脆，只用盐调味都好食。