唐記包點 (太安樓)

营业中

休息中

平时夜晚赶时间都会帮衬唐记包点，胜在分店够多，价钱平又够快。食物质素来讲，菜肉包都尚算合格，只系个皮太厚。今日喺西湾河唐记包点买点心，估唔到店员啲态度可以咁差，店长或者管理层有必要正视！排喺我前边嘅系一位婆婆婆，攞住$20想买菜肉包，店员话‘冇’。之后婆婆想买芋头包，店员又话冇。我相信婆婆因为年纪大所以听唔清楚𠮶位广东话唔正嘅后生女店员讲乜嘢。婆婆重复又话要菜肉包，𠮶位店员非常唔耐烦咁话除左菜肉包同芋头包，乜都有。婆婆再一次问有乜包，店员好恶咁闹个婆婆话冇菜肉包同芋头包。然后，佢居然唔理婆婆，直接问我要乜嘢。我话「你等婆婆拣左先啦」，然后帮忙指幅图话俾个婆婆听冇边啲，得边啲。原来婆婆睇唔清楚啲图，咁我读完俾佢听，佢拣左买左。可怜婆婆系客人，买个包俾人闹要受气，个样好委屈想喊咁。我今次买咗个鸡扎，味道OK嘅，但相信以后唔会帮衬。价钱系平，但系香港仲有好多选择。