影片
更多
2021-12-04
690 浏览
到底日本匠人打理系咪就可以揾返日本既感觉呢？今次黎到位于旺区铜锣湾既 秀殿 ，主力由2位日本师傅打理，店内位置不过20位，只接booking，不做walk in，好彩既话2星期后都有位既，所以想食依家就好book定喇🤣🤣🤣一入去，感觉成个格局好似Osmakase，本身有啲担心价钱会super crazy，坐低睇左menu之后，又唔系咁夸张㖞，都松返一口气。主力食炸物既 秀殿 ，亦有唔少佐酒小食，成个menu比你既感觉就系冇可能唔嗌酒，所以佢都有一系列酒类供应，绝对满足你既需求。除左主menu，墙身都有一系列厨师推介，大部分都系一啲时令食材，好似白子就系其中一样喇。萤光鱿鱼冲渍调味同系外面食到既基本相似，但系口感系比较爽脆，而且鱿鱼既大细亦比出面大，明显系自家出品。时令食材真系冇得顶，如果中意食依种油润感，食落似豆腐咁滑既口感，白子一定唔可以错过。调味上，微酸汁主要系为左避免食得太多既腻感，辣萝卜葱花同昆布就轻轻为本身味道唔浓既白子加添底味，整体食落系轻盈既。生蚝👦🏻本身系蚝既忠实粉丝，见到有蚝就会想食，老实讲，依度既蚝不过不失啦，但你唔会想浪费左一个quota，所以建议你食其他野😂😂😂
一入去，感觉成个格局好似Osmakase，本身有啲担心价钱会super crazy，坐低睇左menu之后，又唔系咁夸张㖞，都松返一口气。
主力食炸物既 秀殿 ，亦有唔少佐酒小食，成个menu比你既感觉就系冇可能唔嗌酒，所以佢都有一系列酒类供应，绝对满足你既需求。
除左主menu，墙身都有一系列厨师推介，大部分都系一啲时令食材，好似白子就系其中一样喇。
萤光鱿鱼冲渍
调味同系外面食到既基本相似，但系口感系比较爽脆，而且鱿鱼既大细亦比出面大，明显系自家出品。
酸汁鲷鱼白子
35 浏览
0 赞好
0 留言
时令食材真系冇得顶，如果中意食依种油润感，食落似豆腐咁滑既口感，白子一定唔可以错过。调味上，微酸汁主要系为左避免食得太多既腻感，辣萝卜葱花同昆布就轻轻为本身味道唔浓既白子加添底味，整体食落系轻盈既。
生蚝
👦🏻本身系蚝既忠实粉丝，见到有蚝就会想食，老实讲，依度既蚝不过不失啦，但你唔会想浪费左一个quota，所以建议你食其他野😂😂😂
香烤明太子
9 浏览
0 赞好
0 留言
烤至外表焦香脆口，唔系出面买果种死咸味道，用黎送酒一流。
腌鲣鱼肝芝士
唔少居酒屋叫依道菜做芝士酒盗，用浓味既腌鲣鱼肝配上同样浓味既软芝士，味道既配搭相当特别，十分下酒，但佢就好似榴连咁，中意既人好中意，唔中意既人掂都唔想掂，全属个人喜好。
薯仔沙律
11 浏览
0 赞好
0 留言
店长推介之一，一开始以为冇咩特别，薯仔沙律可以有几神奇，第一次推介比我地，我都冇嗌到，点知第二次佢依然坚持，好啦，就咁试左，点知！真系出乎意外，薯仔本身打成左蓉，入面既材料虽然同普通薯仔沙律冇乜分别，但系每种材料个切法都唔一样，食落有唔同层次既口感，而且薯仔同沙律酱既部分虽然冰冻，但明显其他食材就温度就冇咁冻，所以口感上先保持得住，所以全部都系心机活，小小心思令依个普通既菜式变得非凡。
青森蒜头
炸至相当淋，食落好似薯蓉一样，蒜味相当浓，有平时食牛扒伴既原个烤蒜头既影子。
万愿寺青椒串
如果食得太腻，可以嗌一串，当食菜，但味道相对比较普通。
水牛城芝士
炸得相当香滑，入面已经溶晒，味道香浓，同西式炸芝士相类似，浓烈既芝士味佐酒一流。
炸鲍鱼
8 浏览
0 赞好
0 留言
皮薄香脆之余，鲍鱼本身内里仲未炸到全熟，外脆内软食到最后仲有鲜味，加上肝酱作调味，系未试过既味道。
带子三文鱼籽
13 浏览
0 赞好
0 留言
推介之一，带子鲜甜，薄脆口感，加上冻冻既蛋沙律，冷同热既温度差已经形成好大既冲击，再加上三文鱼籽比上另类脆身口感，系脆同软滑中又玩左另一种感受。虽然口感味道复杂，但又平衡得岩岩好，可以食得出师传巧妙既心思。
鲱鱼子昆布
18 浏览
0 赞好
0 留言
未食过既味道！！！佢本身系一个渍物，鱼籽中间夹住昆布，脆皮下系一个结实既冻鱼籽，口感有少少似大块版既希灵鱼，只有鱼籽果part，味道主要黎自昆布，唔算重味，主要系食口感。
炸海鳗鱼
可能因为系炸既关系，佢并冇太多腌料做调味，令感觉似炸白身鱼，冇乜特别，建议唔需要嗌。
炸蚝
9 浏览
0 赞好
0 留言
对蚝爱好者👦🏻黎讲，算系不过不失，但又唔特别到必食，亦系可以唔食都唔会有遗憾。
炸虾
19 浏览
0 赞好
0 留言
店长推介之一，虾本身非常新鲜，炸完熟度既拿捏又系完美之作，虾头再以话系最画龙点睛既部分，用左相对高既油温将佢炸得相当脆身，虾头既虾膏浓香，食完马上想再食。
炸蟹脚
相比之下，蟹脚虽然都鲜甜无比，但就比虾比下去，相对层次感少左，虽然熟度控制都系咁完美，但惊喜度就冇虾咁大。
明太子炸鸡胸
7 浏览
0 赞好
0 留言
店家推介之一，鸡胸肉炸完依然好嫩滑，但肉本身冇乜调味，主力系明太子酱度，但明太子酱又唔算好浓，饮酒饮到咁上下会觉得味道唔够，所以依款可能要早少少点先好😂😂😂
炸和牛柳
8 浏览
0 赞好
0 留言
都系冇乜调味既系列，不过入口口感认真不错，未去到入口即融，似系温煮既质感，系牛肉界既豆腐，不过对重口味既👦🏻黎讲，亦系唔系必点之选。
明太子茶渍饭
14 浏览
0 赞好
0 留言
食依种炸串，一般黎讲都系送下酒倾下计，要食到饱基本有啲困难，不过佢都有几款饱肚既淀粉质供应，茶渍饭调味平衡相当好，茶香明太子咸香再加上香叶鲣鱼汤味道，可以帮助解腻，同时又饱肚，系唔错既选择。
明太子忌廉意粉
8 浏览
0 赞好
0 留言
冇谂过一间炸串舖竟然可以食到咁好味既意粉，虽然又系明太子，但经过忌廉调味又系另一种风味，依种和食意粉汁酱较稀身，但味道依然保持到浓郁，意粉煮得岩岩好，可以话比好多和食店做得更好。
成个气氛真系好岩去回味日本道小店，2至4个人去倾下计饮下酒，唔好以为👦🏻一次食左咁多野，系分左2日，仲要系连住2日，你就知到底有几正，几值得一去！
张贴
