和拉麵

营业中

休息中

如果 生旧叉烧好过生仔，我希望可以生哩旧叉烧。是日嚟到大埔，系同一条小街，有好几多食店，日式拉面店都有两间。平日晚上八点几，全店十几个座位机乎满座，好彩仲有张2人枱。店员好快安排我哋就座，亦迅速奉上有柠味嘅水，好清新到口腔。店完亦有讲解餐牌，并叫我哋食面的要写纸。先上菜嘅竟然系炸物，刚炸起真系热辣辣，调味亦好香，点少少蛋黄酱，唔会好油2个拉面陆续送到拉面卖相中规中矩，除叉烧外，基本配料溏心蛋，卤笋，木耳丝，紫菜都齐，都算足料。话明系博多口味，汤底唔会太浓厚，面条较幼身而挂唔到汤汁味噌就较适合重口味人士，味噌香稍为补贴面条唔索味嘅不足不得不提就系块叉烧，一边烧至少少焦香，猪肉味浓，有D食评话佢太薄冇口感我就觉得咁先配合到哩个较”轻盈”嘅拉面，如果衬块厚切反而格格不入。另一样要试就系店员介绍嘅配菜，系师傅炒嘅辣芽菜，夹埋个面食又有另一番味道。加咗罐汽水，哩个价钱算系合理，下次会再嚟试埋其他小食。