鳴虎 (北帝街) (已結業)

港铁通左屯马线真系多了地方选择开饭，顺便好好去品尝一下当区特色美食，就去了土瓜湾一带亨用晚餐，沿途行见都有多间食肆选择，街边小食以至中式酒楼都可以揾得到，今次去了呢间日式拉面店回味一下家乡风味，拉面款式有几种口味提供，当然唔少得有各种小食同追加配菜，点完餐单等一阵，已有呢款小食香脆可口嘅呜虎炸唐掦，入口鸡肉香软啖啖肉汁，食落几惹味，之后系主食黑鸣虎拉面出场口味系博多黑蒜油，而且主角一定系汤汁，混合埋豚骨汤底精华，饮到浓郁蒜香汤底味道十足，至于配料一定有几片半肥瘦炙叉烧，肉质香嫩加上油脂甘香口感饱满，仲有只半熟玉子，再食啖拉面够晒滋味，另一款鸣虎，汤底日本鱼干混埋豚骨汤，饮落鲜味十足，配料大致上一样，追加多一只玉子大家分享，又继续一边品尝余下美食。