兄弟小食 (已結業)

港式街头小食有好多，烧卖、鱼蛋、煎酿三宝等，而最饱肚嘅一定系格仔饼！传统格仔饼就系加牛油、花生酱、炼奶及砂糖一齐食，虽然罪大恶极但都会忍唔住心思思想食，但坊间好食嘅格仔饼真系唔多，而重点要即叫即做，一早整定嘅就要out，而「兄弟小食」嘅出品真系本人嘅top 3！格仔饼 $22即叫即制，所以记得要预时间。格仔饼拎到手热辣辣，最紧要饼皮香脆，香浓蛋味夹杂花生酱、炼奶等，邪恶但满足，所以间唔中都会突然想食！另外仲有榛子酱味格仔饼供应。烧卖+鱼蛋 $18港式小食点可以唔提呢两位，拣咗加咖喱汁，咖喱汁又香又辣，烧卖唔会蒸得刚刚好，唔会太腍；鱼蛋用陈皮鱼蛋，鲜鱼香中有浓郁陈皮回甘味，好味道！