棋哥燒鵝 (已結業)

今日同朋友二人系尖沙咀美丽华行街，行到咁上下见有啲肚饿，一出去就见到棋哥个招牌！其实之前已经系天后食过一次，确实令人回味！我同朋友分别单点咗烧鹅濑粉及 双并饭(烧肉及叉烧)烧鹅濑粉点餐果阵我叫咗走胸，结果最后系脾位呢！好开心佢块皮有少少炭烧既味道，一咬落去D油脂味渗哂出黎！另外加埋佢既调味酱，真系好惹味！！鹅既肉质又唔鞋口，唔会痴牙。抵赞！而濑粉恰到好处，唔会太淋太硬，好弹牙！另外朋友点咗烧肉及叉烧双并饭，见到叉烧半肥瘦，烧肉食落去，chok chok 声，皮脆！如果下次黎到尖沙咀唔知食咩，推荐棋哥！