炊豕店 (威靈頓街) (已結業)

中环返工，度度食饭都几贵。呢间就价钱适中， 地方简洁，上班族食lunch不错既选择。我地叫咗个大板烧猪扒饭，咖喱猪扒饭，葱油猪扒饭，个个卖相都吸引。食落真系要赞一赞块猪扒，真系又松软又好食，仲要大大块。 👍👍👍大板烧个汁几好味，唔喊，捞饭一流。而葱花𠮶个几香，钟意食葱嘅人一定会觉得系最好嘅配搭。简单嘅配搭先可以食得出猪扒嘅原汁原味。反而咖喱汁就比下去了，同平时嘅咖喱味唔同，而且少少辣味都冇。不过份量都算多，我地个个都食唔晒碗饭。大板烧猪扒饭系限定，要食就衬早喇。整体而言，值得一试！