Pho Metro (已結業)

炎炎夏日，都系冇乜胃口，所以一切可以冻食既野都成为我既最爱😍食左几日日本野，今日一于回归越南捞檬既怀抱🤣讲起越南野，铜锣湾呢间开左冇耐既餐厅系我既「口袋名单」之一！Pho Metro 都几得意，皆因佢系加拿大回流既😝um，我都有听过话美国、加拿大既越南野好出色（朋友话正过当地，我未去过不置计啦！）我估可能老板系加拿大华侨？！讲返野食先，我多数系午市黎既，佢冇 lunch set，但可以加钱（大部份+$18）配饮品/小食。我点左个鸡排捞檬，朋友叫左生牛河。佢地个鸡排超超超好食，好多汁，鸡肉都好嫩，唔会 overcook 😍 不过个檬粉底要扣返少少分，因为檬粉反而似米粉，有几次仲结埋一旧，即系好似 D 面煮好左好耐缺水个情况。配菜方面，芽菜好多好生，一开始真系食唔惯，都有谂过冇下次，但因为鸡排太好食，所以⋯⋯其实可以要汤檬既，但我钟意食冻😅至于个生牛河，我冇试，不过见到切到好薄，朋友本身系牛魔王，见佢都食得津津有味，应该都唔错。另外仲叫左个上汤芥兰，汤底唔错，但唔够香唔够浓。虽然整体唔系最好，不过为左个鸡排，我会回访再回访！