李圓圓 (寶安大廈) (已結業)

前晚嘅晚餐系喺旺角扫街买takeaway翻屋企食，买左好多串烧同街头小食。买咁多咸嘅野食，就觉得一定要买返杯甜野，就同朋友一人买左一杯李圆圆啦。黑糖珍珠鲜奶2.0 $33买𠮶阵啱啱好有一批新嘅黑糖珍珠炒好，所以拎上手杯黑糖珍珠鲜奶2.0个底啲黑糖珍珠仲系新鲜滚热辣嘅，令人食指大动。一路拎返屋企𠮶阵一路都仲摸到个杯底系暖笠笠嘅。暖暖嘅黑糖珍珠配上冰冻嘅鲜奶，味道微甜，奶味浓郁，口感浓厚丰富。珍珠咬落去烟韧弹牙，令人回味无穷。食住咸味嘅食物饮呢杯饮品好正，细味品尝嘅话，仲好似食紧一碗甜品咁。平时都几钟意饮黑糖珍珠鲜奶，李圆圆嘅呢杯黑糖珍珠鲜奶2.0应该系我饮过嘅同类型饮品入面最啱我口味嘅，微甜而又奶味十足，令人想一饮再饮。