諾亞半熟蛋糕專門店 (已結業)

今日同朋友行街，咁啱经过深水埗，就去到西九龙。差唔多返屋企嘅时候，途经一楼一间店舖，见到佢哋啲芝士蛋糕。适逢就黎母亲节，都谂紧送D咩蛋糕俾妈咪，于是就询问店员，呢度啲蛋糕有啲咩特色。店员就同我介绍，呢度啲蛋糕款式，有分蜂蜜同埋芝士。我就上咗去open rice 度search左，果然非常之出名。于是就二话不说，拣咗一个比利时朱古力芝士蛋糕返去，返到去之后全家人一齐分享。一开嘅时候家人都话个芝士蛋糕冇咩特别就㖞，因为相貌平凡只系有一层朱古力溶喺面。一切落去果下就有啲芝士半溶嘅状态流咗出嚟，于是就食咗第一啖。味道果然同我平时食嘅有好大差别。除咗系半溶状态，个芝士味道仲十分特别，唔会太过浓郁，亦都唔会太过冇芝士味。恰到好处，个感觉有啲似食紧奶黄包入边啲流沙咁，会令到人食唔停口，而上面𠮶层朱古力甜得来唔会漏，浓得来又唔会苦。总之一个字讲晒正。第一次食到啲外表平凡但系令人食过返寻味嘅芝士蛋糕。好快一个蛋糕就俾我哋全家人食哂。连最唔钟意食蛋糕嘅细佬都食咗两件。店员仲好窝心地问我需要几耐时间返到屋企，如果时间耐可准备一啲冰放喺蛋糕隔离。临走前我仲买咗一支山楂水，因为见到佢外型十分特别好似一个灯泡咁，