影片
更多
2018-08-25
245 浏览
工作太忙无时间去旅行，很想念日本当地的寿司。今日我决定食豪少少，去米芝莲推介的翔太寿司，当慰劳下自己。一入九号水产的正门右边就见到翔太寿司，装潢完全系日本风格, 环境十分高雅。可能因为黄埔唔系商业区，晚市唔太热闹，所以我坐得非常舒服。隔离仲坐左一枱日本客，可想而知呢间食店的质素一定唔差。 店内平均一两枱客由一位寿司师傅服务，师傅会观察客人的进食节奏安排下一道菜。晚市套餐的价钱比午餐贵一倍，不过有更多选择。晚市除左有套餐和厨师发办外，仲可以散叫。我叫左厨师发办较平的”樱” (HK$780未加一)，比较贵的”葵”平HK$200，分别在于无得食刺身。我叫完餐无耐就有三款前菜，样样都好精致好开胃，大大增加食欲。蕃茄:我相信系日本蕃茄，好甜。水云渍:即系新鲜发菜，捞左D青瓜丝同醋，味道清新。白身鱼南蛮渍: 白身鱼炸左，肉质结实，个汁都系酸酸微微。主菜黎喇，第一件系鲂𫚒寿司。鲂𫚒寿司: 食得出鱼肉新鲜有弹性，日本米果然好食，粒粒分明。寿司师傅已经加左WASABI同扫左一层豉油，根本唔使再点豉油。金目鲷寿司: 鱼肉系樱花粉红色，肉质细致肥美，好食。平政鱼寿司: 与油甘鱼系同一科，所以味道有D似，肉质
一入九号水产的正门右边就见到翔太寿司，装潢完全系日本风格, 环境十分高雅。可能因为黄埔唔系商业区，晚市唔太热闹，所以我坐得非常舒服。隔离仲坐左一枱日本客，可想而知呢间食店的质素一定唔差。
店内平均一两枱客由一位寿司师傅服务，师傅会观察客人的进食节奏安排下一道菜。
晚市套餐的价钱比午餐贵一倍，不过有更多选择。晚市除左有套餐和厨师发办外，仲可以散叫。我叫左厨师发办较平的”樱” (HK$780未加一)，比较贵的”葵”平HK$200，分别在于无得食刺身。
我叫完餐无耐就有三款前菜，样样都好精致好开胃，大大增加食欲。
蕃茄:我相信系日本蕃茄，好甜。
水云渍:即系新鲜发菜，捞左D青瓜丝同醋，味道清新。
白身鱼南蛮渍: 白身鱼炸左，肉质结实，个汁都系酸酸微微。
主菜黎喇，第一件系鲂𫚒寿司。
鲂𫚒寿司: 食得出鱼肉新鲜有弹性，日本米果然好食，粒粒分明。寿司师傅已经加左WASABI同扫左一层豉油，根本唔使再点豉油。
金目鲷寿司: 鱼肉系樱花粉红色，肉质细致肥美，好食。
平政鱼寿司: 与油甘鱼系同一科，所以味道有D似，肉质好弹牙爽口。
牡丹虾寿司: 非常新鲜，同日本当地有得比。
石垣贝寿司: 上枱的时候俾佢吓亲，佢仲识得郁，证明系岩岩㓥的。我未食过咁弹牙软滑的贝类寿司，D肉好厚，带点清甜，真系惊为天人。
赤贝寿司:原来赤贝可以咁大件，外表系灯红色，色泽亮丽，口感爽脆，带海水的鲜甜味。
海胆卷:海胆同饭的份量系2:1，海胆多到跌出黎。一睇个色就知新鲜，味道好浓郁，完全唔腥，很满足。
深海池鱼寿司: 肉质爽同滑肥美，油脂好甘香!
三文鱼子卷: 又系超多三文鱼子，粒粒晶莹剔透，皮脆多汁，咬落去鱼子秒爆果下好爽。不过一定要同饭一齐食，因为腌过有咸味。
吞拿鱼腩寿司: 唔使多讲，睇相都知有几肥美，入口即融，肉质软绵绵，好食到晕。后尾睇番原来散叫要HK$120一件，个SET真系好抵。
吞拿鱼腩蓉手卷: 好多鱼蓉，里面加左葱花同芝麻，夹埋好香。
面豉煮牛脷:今晚的第一道热食。我未食过咁腍的牛脷，旁边的秀珍菇和萝卜都非常入味，味道恰到好处，太好食了!
面豉汤: 好暖胃。
蜜瓜白粟米: 两样的甜度有15度以上，以呢一个甜品作结真系太完美!
呢个SET一共有十件寿司、两个热食同一道甜品，份量好够，样样都超水准。值得一赞系侍应的服务好慇勤，忙住添茶换碟，耐心解答客人问题。另外，佢地对茶都好细致，食寿司配烘茶，食甜品就换绿茶。呢个价钱真系值得一试!
张贴
