鳳城小食

营业中

休息中

凤城既猪扒早已经好出名，虽然系小店，但都好多街坊、上班族熟客。我其实已经食过好几次，今次再帮亲先记得拍照写食评。食猪扒最怕薄切、干曾曾又冇味，而家就连所快餐店都要打正旗号话猪扒系厚切（叹气），可惜就算厚切都系冇味，唔系用沙律酱就系用蕃茄汁去掩饰佢地既猪扒系冇味。所以我时不时想食猪扒时就会谂起凤城。凤城既猪扒食咁多次都水准如一，juicy 、咸甜适中、口感唔错，我觉得佢好似有用极少孜然粉去腌，好喜欢佢地猪扒个味道。是次外卖猪扒米，汤系自动分开装。要弹就系米粉太碎，之前有次也是这样，有点奇怪。不过整体来说也是非常不错。价钱方面，$31冇野饮，平贵就见人见智了。