鼎王麻辣鍋 (The LOHAS) (已結業)

今日同朋友嚟行街虽然食完下午茶已经饱饱哋但系见到呢间火锅店突然间有啲心动想食火锅 决定入去小小哋食下呢度店员服务态度超好 带台有礼貌 仲介绍畀我哋知麻辣锅就可以鸭血同豆腐任加而酸菜白肉锅就可以任加酸菜我哋两个又系心大心细所以就决定两个汤底都试埋 结论就系我哋嘅选择系非常正确 麻辣够过瘾食落有药材味酸菜又够解腻越食越浓郁呢度提供嘅蜜桃茶都非常好饮等食物期间我哋就默默饮叫咗份小羔羊,卤水大肠头,蟹滑膏同粉条 先讲个汤底配对 佢嘅鸭血好正 食落弹牙又吸晒汤汁 店员会殷勤留意我地需唔需要添加 而酸菜开胃 食落爽口 净系汤底都够晒满足至于配料 小羔羊充满羊味 简单渌一渌食得 不过嫌佢份量唔够多卤大肠头都好入味 软硬适中带少少爽口配埋麻辣汤底食真系一绝但最有惊喜就系佢个蟹膏滑 唔识形容佢嘅味道但食起嚟好丰富 好新鲜 推介其实食到最后都唔使加个粉条 因为汤底配料已经饱晒 不过粉条吸晒汤汁 自然系大满足 我地两边汤底都放下 唔同享受