影片
更多
2018-07-05
326 浏览
礼拜日有人突然讲起海南鸡饭，好即兴地搜索见到沙田呢家星马菜，决定来试下。两个人点左每人一个海南鸡饭，加一碟炸蚝饼share食。埋到位当然先饮杯茶，冇料到原来杯茶咁有星马风味，几特别㖞（有D大乡里不过之前在外面食星马菜未饮过呢款茶），哎呀唔知点形容又冇影到相。份海南鸡饭都有D份量，有切得大大件的海南鸡、鸡油饭、鸡汤、酱料，自己唔算大胃，起初都担心食唔晒（ok啦最后只不过比左两件对面果位），食落其实又ok，但想讲呢日个鸡油饭好似干左少少，我将D鸡汤淋上去捞埋就非常好，不得不提的系个鸡汤味道唔错，系有鸡味架，味精敏感嘅我也并无出现特别反应或者口渴。顺带一提海南鸡饭有两款：招牌及健儿，招牌98健儿108，menu话健儿系鸡胸肉，个饭系红米饭。刚好邻座两个旅客share食紧健儿海南鸡饭及一碟油菜，细食女生也可以考虑。炸蚝来了！menu照片明明系一底好靓仔的，实际上碟系散晒的一底😮，不过见D蚝仔都算多同大只就原谅佢啦。跟随上桌有鱼露同一碟橙色酱（酸甜？酸辣？冇点，唔知），我地都钟意点鱼露，其实好咸但又几惹味，蚝仔味道ok又够大粒，整体炸粉可以少返dd 就更good啦。食完浓味野再饮返头先杯茶清清舌
两个人点左每人一个海南鸡饭，加一碟炸蚝饼share食。埋到位当然先饮杯茶，冇料到原来杯茶咁有星马风味，几特别㖞（有D大乡里不过之前在外面食星马菜未饮过呢款茶），哎呀唔知点形容又冇影到相。
份海南鸡饭都有D份量，有切得大大件的海南鸡、鸡油饭、鸡汤、酱料，自己唔算大胃，起初都担心食唔晒（ok啦最后只不过比左两件对面果位），食落其实又ok，但想讲呢日个鸡油饭好似干左少少，我将D鸡汤淋上去捞埋就非常好，不得不提的系个鸡汤味道唔错，系有鸡味架，味精敏感嘅我也并无出现特别反应或者口渴。
顺带一提海南鸡饭有两款：招牌及健儿，招牌98健儿108，menu话健儿系鸡胸肉，个饭系红米饭。刚好邻座两个旅客share食紧健儿海南鸡饭及一碟油菜，细食女生也可以考虑。
炸蚝来了！menu照片明明系一底好靓仔的，实际上碟系散晒的一底😮，不过见D蚝仔都算多同大只就原谅佢啦。跟随上桌有鱼露同一碟橙色酱（酸甜？酸辣？冇点，唔知），我地都钟意点鱼露，其实好咸但又几惹味，蚝仔味道ok又够大粒，整体炸粉可以少返dd 就更good啦。
食完浓味野再饮返头先杯茶清清舌头，感觉杯茶更加好味，好难得周日午餐时段唔太爆可以坐得舒服，感觉好满足，下次再来试埋肉骨茶先。
张贴
