曲奇四重奏 (獅子石道)

营业中

休息中

年几之前已经嚟过呢度买蝴蝶酥，由于蝴蝶酥嘅松化同牛油香味令我十分难忘，而且就近我屋企，所以间中我会再去帮衬帮衬～我最钟意呢度职员态度友善而又有免费试食，食到啱先买！真系唔买去试食都抵！ 以前去亲都会见到老板娘谢宁，不过近年都好少见到佢踪影喇！之前我只买蝴蝶酥，而曲奇饼只试食过而未买过，今次就买咗盒九种口味曲奇饼试吓，果然冇令人失望！另有十一款曲奇铁盒装可选！除此之外，饼店仲有适合生日同各种日子嘅礼盒，你嘅至爱亲朋收到一定加倍开心！当然唔会忘记买我最爱嘅蝴蝶酥啦！不过价钱都涨得几快，由年几之前卖$38一包，而家要$48一包，真系令人慨叹物价飞涨！好味嘅嘢特别快食晒！我谂我好快又会再嚟帮衬！