天天海南雞飯 (ELEMENTS圓方)

营业中

休息中

同朋友睇完戏，顺便行下街食埋晚饭，想起Element 有我钟意食嘅海南鸡，于是带朋友去食返餐满足下。店舖装潢依旧，环境干净企理，座位阔落，灯光柔和，感觉特别舒服。睇咗餐牌，食物价钱竟然无加，同埋一样转换咗啲新食品，望落相当吸引😍。天天烧鸡 (大份) $169.-鸡皮香脆，皮下脂少，肉嫩多汁🥰，鸡味浓郁，可点配香辣酱汁、甜豉油及姜蓉，令味道更丰富，更加滋味。火焰石烧安格斯牛肉 $169.-牛柳用铁板上，店员会再用火枪炙烧肉面，焦香味四溢，肉质软腍无筋，加点酱汁或柠檬汁，肉味更鲜香。肉末豆腐水晶粉 $89.-豆腐炸过后，香口嫩滑，水晶粉烟韧滑溜，吸收咗肉末煮过嘅汤汁，特别香辣鲜味，越食越辣，越辣越想食😍。小笼包 (4件) $59.-皮薄馅料饱满，汤汁鲜甜，加点醋汁，热辣辣零舍好食😋。