亞蘇爾 (形點) (已結業)

呢排成日去开元朗做嘢，不过好多餐厅都好早关门，选择少左，好在亚苏尔仲有开，仲有机会食到滋味既葡餐！一如以往，人气一样旺盛，晚餐时间都已经坐得满满，门口亦传来阵阵葡挞既香味！餐牌选择多，一般的葡式美食都有供应，例如猪扒包，马介休呢d一定揾到！今晚既上菜速度都几快，头盘霹雳鱿鱼沙律首先送到！酸酸辣辣几开胃，鱿鱼同沙律菜都几爽口，卖相都唔错！跟住有马介休芝士球出场，大大粒卖相吸引，特别喜欢个酸酸甜甜既沙律酱汁，配上外脆既外皮，宁舍醒神！马介休入面除左有薯蓉同阵阵咸香味外，还有溶化左既芝士，一咬开就流晒出嚟，非常邪恶！再嚟就系香味十足既咖哩b牛坑腩伴蒜蓉包，份量十足，两片香脆既蒜味十足既蒜蓉包，配上甜中带辣既咖哩汁，有点觉得仲好食过d牛坑腩！牛坑腩都几软稔，又入味，薯仔同样出色！最后出场就系份量十足，辣肉酱松露芝士猪扒包伴田园沙律及薯条，热辣辣香脆既猪扒包卖相非常吸引！猪扒包用料十足，大大块猪扒配上辣肉酱汁，滋味十足，要小心d 食，酱汁多到流出嚟！呢餐既好味程度，其实睇下最后呢张相就可以知道答案！