影片
更多
2018-08-10
597 浏览
某日假日嚟乐富行吓百货公司，已经睇中Seafood Stand，见门口好多人等位，就放弃左。今日专登平日嚟食，等左两三分钟就有位，good！食野先：焗酥皮鲜蚝汤酥皮带有牛油味，面层松脆，底层就争少少。蚝汤入面唔见蚝肉，有少少失望。入口有惊喜，估唔到香滑、蚝味浓又鲜甜，超好饮㖞。芝士焗龙虾一只$198唔算贵啦，一上枱就已经闻到好香，仲满满芝士，隔嚟枱都不禁偷偷看 偷偷望～ 蟹钳都够大只：芝士半溶 ，趁热即刻食。虽然都知唔系游水龙虾，但撩起啲龙虾肉，雪白鲜甜又弹牙，啖啖肉，又带啲膏，好回味！美国安格斯牛扒好大块，食得出质素唔错，冇根位又juicy，牛肉味唔错。配左粗薯条，即炸够脆。比利时窝夫配雪糕窝夫冇脆脆口感，反而系有啲烟韧，粉团质感，除左甜味就冇乜味，唔好食。好彩雪糕球够大球。椰林飘香一般我都会饮Cocktail嘅Pina Colada，因为好味又易入口，好啱女仔饮。今晚就拣左Virgin Colada，菠萝汁加椰汁，好啱夏天饮。巨峰提子梳打靓！呢只紫色好靓，朋友话味道唔错，唔会太甜。餐厅收十点，我地挂住倾计搅到最迟走，店员都好好态度say goodbye。啲人走晒先睇清楚原来墙上有几
食野先：
焗酥皮鲜蚝汤
酥皮带有牛油味，面层松脆，底层就争少少。
蚝汤入面唔见蚝肉，有少少失望。入口有惊喜，估唔到香滑、蚝味浓又鲜甜，超好饮㖞。
芝士焗龙虾
一只$198唔算贵啦，一上枱就已经闻到好香，仲满满芝士，隔嚟枱都不禁偷偷看 偷偷望～
蟹钳都够大只：
芝士半溶 ，趁热即刻食。虽然都知唔系游水龙虾，但撩起啲龙虾肉，雪白鲜甜又弹牙，啖啖肉，又带啲膏，好回味！
美国安格斯牛扒
好大块，食得出质素唔错，冇根位又juicy，牛肉味唔错。
配左粗薯条，即炸够脆。
比利时窝夫配雪糕
窝夫冇脆脆口感，反而系有啲烟韧，粉团质感，除左甜味就冇乜味，唔好食。好彩雪糕球够大球。
椰林飘香
一般我都会饮Cocktail嘅Pina Colada，因为好味又易入口，好啱女仔饮。今晚就拣左Virgin Colada，菠萝汁加椰汁，好啱夏天饮。
巨峰提子梳打
靓！呢只紫色好靓，朋友话味道唔错，唔会太甜。
餐厅收十点，我地挂住倾计搅到最迟走，店员都好好态度say goodbye。啲人走晒先睇清楚原来墙上有几幅画，人手画上去，显得几好气氛。
下次经过会试下啲burger ，隔嚟枱啲burger好吸引。
张贴
