影片
更多
2010-11-25
13 浏览
本来想去食楼上2000YEN,但系同大家姐商量后都系发觉打边边更好,其实之前睇过杂志想食呢间野好耐,不过一直都无机会,今次终于可以试到我地中午订即日位都订到,夜晚去到无人等位,入面全部台亦都已经留起身俾BOOK左既人,呢点我觉得好好,因为去过好多地方,你BOOK左唔系留张台俾你,系你去到之后再等第一个走O个张台,讲真,咁我BOOK黎有咩意思,咪又系要等?汤都有好多选择,有D秋冬系列+$10, 不过我见普通汤都几有特式,由于前几日饮左个好鬼死咸既椰子鸡汤,今次决定叫个椰子鸡汤试下应该咩味,大家姐就保守D叫左个蕃茄傻仔汤,之后就开始拎野食喇,好多野食拣,鸡有4-5款,牛又有滑牛肥牛牛粒牛"展",要一提呢度如果想食面,佢地系一包包出前一丁,生面皇,粉丝咁放晒O系度俾你成包拎既,另外仲有海鲜同蔬菜,蔬菜我觉得种类太少,因为我揾唔到我爱既娃娃菜 我同大家姐各自出去拎野食之后,问题出现喇! 我地出面花多眼乱左咁耐,拣左咁耐,竟然个汤仲未到 话晒佢都限时两粒钟,等汤等十几分钟实在有d讲唔过去,唯有催催佢,催左三四次终于有汤到喇 食物新鲜真系好食,两个汤都好鲜甜,实在太正喇,不过呢度加汤系加同
我地中午订即日位都订到,夜晚去到无人等位,入面全部台亦都已经留起身俾BOOK左既人,呢点我觉得好好,因为去过好多地方,你BOOK左唔系留张台俾你,系你去到之后再等第一个走O个张台,讲真,咁我BOOK黎有咩意思,咪又系要等?
汤都有好多选择,有D秋冬系列+$10, 不过我见普通汤都几有特式,由于前几日饮左个好鬼死咸既椰子鸡汤,今次决定叫个椰子鸡汤试下应该咩味,大家姐就保守D叫左个蕃茄傻仔汤,之后就开始拎野食喇,好多野食拣,鸡有4-5款,牛又有滑牛肥牛牛粒牛"展",要一提呢度如果想食面,佢地系一包包出前一丁,生面皇,粉丝咁放晒O系度俾你成包拎既,另外仲有海鲜同蔬菜,蔬菜我觉得种类太少,因为我揾唔到我爱既娃娃菜
我同大家姐各自出去拎野食之后,问题出现喇! 我地出面花多眼乱左咁耐,拣左咁耐,竟然个汤仲未到 话晒佢都限时两粒钟,等汤等十几分钟实在有d讲唔过去,唯有催催佢,催左三四次终于有汤到喇 食物新鲜真系好食,两个汤都好鲜甜,实在太正喇,不过呢度加汤系加同一只汤既,即系唔会蕃茄傻仔就加返蕃茄傻仔汤你咁,但系可能因为个煲好细既关系,个汤一直keep住鲜甜,正!
饮品方面+$10就可以任饮,好多选择,有汽水(mountain dew 都有),啤酒,银菊露同柑桔,其实我平时都唔饮柑桔,唔知做咩呢日突然想试下,饮完啤酒就去拎左杯饮,呢杯野得呀,一定无沟水,之后大家姐都拎左杯,赞不绝口,决定之后都一直饮呢个就得!
但系呢度都有d野我唔系咁钟意,就系好唔环保,用发泡胶装再加保鲜纸,我知要keep 住卫生,但系我睇坐大量既发泡胶同保鲜纸o系我台面既时候,真系觉得好唔环保,希望佢地可以o系卫生同环保上作出平衡,同埋就系d夹,丸类o个边无夹,唔知去边度拎,个个都系去海鲜度偷个夹过黎夹丸,夹完放返过去,系唔够定系d人乱放呢? 不过买多几个夹都唔系好多钱姐我谂,同埋肉类佢系有个专柜有人夹俾你既,但系我行出去4次都未试过有人企o系个柜度,我企o系个柜前面再揾人黎夹俾我,由于位置开扬,其实我觉得自己o个野都几样衰,既然你系set柜位既,就应该有人长驻企o系度啦,系呢几个问题令我有少少意见,希望可以改善到.
第一次写食评,有机会再写过
张贴
