又一戟

营业中

休息中

十几年前巳爱上又一戟，当时只系葵涌广埸有，见证住佢哋又一楼嘅小舖，搬上三楼嘅大舖， 由不起眼嘅铺头变成龙头大舖。 每一次见住两位男士熟练嘅手势，都觉得好有艺术感， 虽然系街头小食但佢哋都充满细心，每次都会付上餐纸予顾客。今次去汇景探朋友， 原来佢都有啲似葵涌广场， 有各式其色嘅小食店， 最令我惊喜嘅就系见到呢间又一戟， 舖内其中一位旧面孔， 带住妻儿一齐开铺。多口嘅我就同佢倾咗几句， 店主都好惊讶我系由一楼开始巳帮衬…… 佢哋而家都喺旺中同蓝田开分店。邓邓邓邓， 专一嘅我都系拣热香蕉朱古力班戟， 最钟意佢热辣辣，个皮系煎到好脆嘅， 之后就睇店主魔术手嘅表演， 佢快速嘅将香蕉放喺入面， 然后就好有美感咁唧上朱古力酱，之后折二折就上， 味道依然好味。