Texas Burger (已結業)

难得表弟喺加拿大返嚟，当然想揾个好地方同佢chill一chill。Texas burger 位于朗豪坊12楼，旁边就系商场嘅落地玻璃，所以整个环境非常开扬，隔离仲有live Band表演，临近圣诞节可谓充满气氛。我叫左软壳蟹牛油果牛肉汉堡，汉堡包非常软熟，中间有半个牛油果，中和返炸软壳蟹嘅油腻。软壳蟹本身亦炸得香脆。我表弟近呢一年转左做素食者，所以比较难揾适合佢同我嘅餐厅。不过texas burger 有两款素burger，今次表弟叫左未来素食牛肉汉堡，表弟切左少少素牛肉比我试下，学成龙话斋：「一开始我是拒绝的，你不能叫我吃，我就马上吃。」，但食落先发觉佢嘅质感、味道，卖相同真牛肉极为相似，而且冇咗一般牛肉嘅肥腻感，食落唔会好油腻，但又唔会太干。表弟表示非常满意。另外，我同表弟一样加咗$$套餐，有薯条饮品同酸青瓜。表弟叫咗可乐，而我就叫咗黑牛，即系雪糕加可乐。以前喺麦记成日饮，而家饮返非常怀念。当然texas burger用既雪糕更加creamy，更加凉透心。薯条系我最钟意嘅厚切薯条，亦系少数快餐店能够做到外层酥脆，内部绵密柔软。自己身边都有两三个食素嘅朋友，下次一于带佢哋过嚟食。