搞餃鎮

营业中

休息中

之前食过几次外卖，觉得几好食，今次第一次堂食，令人觉得好失望，之后都唔会再嚟。今日差唔多4点嚟到，餐厅得1/3满，唔系好多人。点咗一份煎饺同一份汤饺，等咗10分钟左右煎饺到咗，我见店员都做紧嘢，出咗去谂住自己攞醋，店员见到就叫我坐返低，佢会攞畀我，咁我就坐返埋位。食咗一啖煎饺，发现里面啲猪肉咬唔开，一望发现仲系粉红色未熟……同店员讲完佢收返碟饺，叫我再等等。之后等多20分钟都未有饺子同醋到（等咗半个钟），隔离枱迟过我到都已经食紧，问返店员先知漏单……等多10分钟左右终于啲煎饺同汤都到（但系都系冇醋，要再问店员先有），但系啲煎饺煎到㶶咗、汤饺就煮得太耐个皮爆咗入晒汤。总括而言，今次系一次令人好失望嘅体验。