古早牛肉麵 (已結業)

我个人系好钟意食面线，所以见到有蚵仔面线，就算已经食饱都忍唔住买碗外卖返屋企食！等外卖其间留意左一下装修，见到好多台湾味嘅装饰，望落坐都舒服嘅。不过疫情横行，都系买外卖稳阵。一碗蚵仔面线外卖价$35，唔算平，份量亦唔多，细细碗咁，不过味道先系最重要。望落去大概一半汤一半面线咁，蚵仔有5-6只，份量还可以。食落去面线质地偏硬，同平时食开比较软同滑嘅台式面线有少少唔同。味道一般，汤底食落去只有咸味。食完之后仲有三分一碗汤剩，可想而知原本啲汤有几多。以咁嘅价钱应该唔会再食，同我印象中嘅台湾味道唔同。