影片
更多
2016-01-18
2443 浏览
差唔多10年无写过食评，好丫～～翰腾阁迫我出手了。与朋友二人行晚饭，叫咗鸡煲同拔丝咕噜肉，鸡煲系正常嘅豉油鸡瓦煲上，不过不失；亮点系随后嘅拔丝咕噜肉，摆上台一望，碟头细，摆盘平面，咕噜肉、青椒、菠萝...望落去真系几无立体感，酱汁将所有食材「gel」成一堆嘢，心里有讲唔出嘅纳闷同困惑。算啦，希望味道好就算。外表 - 2分：夹起件咕噜肉，无拔丝不在话下，肉本身夹上嚟系平面嘅！无错，系平面嘅肉片！！食咗十几廿年咕噜肉，明明系应该近乎圆碌碌形状架嘛系咪？！口感- 0分：一咬～～oh～～中伏！与其话佢系肉，不如改名叫肉干，仲要系不停翻炸果只。再者，同拔丝系完！全！无！关！系！味道- 2分：开头食，喉咙有D唔舒服，食到第3-4旧，就开始狂咳咳咳咳咳咳咳咳咳，系喉咙受刺激果种狂咳，咳咗成分钟先强忍到，朋友同时指住碟咕噜肉问「系咪D醋呀！？我都觉好「乸喉」。身体反应话我知，果D唔系醋，系人工醋精！一间自称「作为一间高级粤菜食府，当然极之重视选用新鲜上乘的真材实料，同时亦有赖精湛厨艺和拿揑准绳的火候，方可烹调出令人回味再三的美食」嘅食肆出品-拔丝咕噜肉，既无拔丝，亦无咕噜肉 (片？)。我觉得，你已经触
与朋友二人行晚饭，叫咗鸡煲同拔丝咕噜肉，鸡煲系正常嘅豉油鸡瓦煲上，不过不失；
亮点系随后嘅拔丝咕噜肉，摆上台一望，碟头细，摆盘平面，咕噜肉、青椒、菠萝...望落去真系几无立体感，酱汁将所有食材「gel」成一堆嘢，心里有讲唔出嘅纳闷同困惑。
算啦，希望味道好就算。
外表 - 2分：夹起件咕噜肉，无拔丝不在话下，肉本身夹上嚟系平面嘅！无错，系平面嘅肉片！！食咗十几廿年咕噜肉，明明系应该近乎圆碌碌形状架嘛系咪？！
口感- 0分：一咬～～oh～～中伏！与其话佢系肉，不如改名叫肉干，仲要系不停翻炸果只。
再者，同拔丝系完！全！无！关！系！
味道- 2分：开头食，喉咙有D唔舒服，食到第3-4旧，就开始狂咳咳咳咳咳咳咳咳咳，系喉咙受刺激果种狂咳，咳咗成分钟先强忍到，朋友同时指住碟咕噜肉问「系咪D醋呀！？我都觉好「乸喉」。
身体反应话我知，果D唔系醋，系人工醋精！
一间自称「作为一间高级粤菜食府，当然极之重视选用新鲜上乘的真材实料，同时亦有赖精湛厨艺和拿揑准绳的火候，方可烹调出令人回味再三的美食」嘅食肆出品-拔丝咕噜肉，既无拔丝，亦无咕噜肉 (片？)。我觉得，你已经触犯「商品说明条列」啰sorry~~~
题外话/补充资料：
要食好食嘅小菜，其实广东烧味都真系唔差。
(以上食记乃用户个人意见 , 并不代表OpenRice之观点。)
张贴