Cova Ristorante & Caffe (已搬遷) 新店位置

突然好想食甜品buffet，于是近近地去咗尖沙咀既Cova食一个Afternoon tea buffet啦！点知佢地既甜点居然令我好失望！其实之前我都会帮衬佢地买Birthday Cake，因为食过佢地既蛋糕，味道真系唔错！只不过估唔到佢既一个afternoon tea buffet供应既甜点，会系敷衍之作！不过有样野值得一赞既，就系佢地既咸点系出奇地讨好！味道比甜优胜得多！虽然选择唔系太多，但以味道嚟讲都算唔错！ 以甜点嚟讲，我只系认为有一款朱古力蛋糕系好味既 (请看照片)！朱古力味好香浓，唔会过甜，不过食晒一件就太腻！ 咸点方面，有一款鹅肝多士与芝士肝酱多士都好味，如果佢块多士可以脆口ｄ会更好，因为块多士系''淋''既 好多款咸点都以ham做馅料，其中一款夹饼虽然外表并不是太讨好，但原来中间夹住一块ham，食落有惊喜！好搭既组合，太家一定要试下