影片
更多
2013-10-09
748 浏览
2月24日, 元宵佳节~ 同呀比去咗冇雷公咁远嘅荃湾闲逛,仲拣咗呢间好似几地道嘅台式小店开餐… 不过老实讲, 行到门口见到内里环境, 实在系有少少令人却步嘅, 因为舖头装修同台櫈都感觉简陋, 好似d细细间早餐店咁… 不过一场嚟到, 就比次机会试下佢啦!::: 肉燥茄子捞上海面 + 冻台式奶茶 ::: $37本身都几钟意食捞面嘅呀菲, 对呢个捞上海面竟然都提唔起兴趣! 撇开其家庭式作业嘅卖相, 其实佢d肉燥同茄子都算系足料, 但见到个豉油色兼过多嘅捞汁已经觉得有d唔妥… 味道果然亦不出所料, 个捞面汁好似甜豉油咁, 稀溜溜地浸住咗d面. 肉燥味道甜甜, 不过肉碎太烂, 似pat炸酱多d, 茄子就系分开走油, 味道相对较淡… 不过最唔惦要算系d上海面, 索哂d汁之后竟然有d发涨同糊糊地, 口感完全错哂! 整体嚟讲真系有d失望…冻台式奶茶味道较淡, 但都饮到少少奶味嘅, 普通啦~::: 巴东牛肉饭 + 冻青苹果绿茶 ::: $37本以为巴东牛肉会好似印尼𠮶d feel咁, 点知上枱嘅竟然好似普通嘅牛腩饭, 色水完全唔似, 冇浓浓杰杰嘅汁, 只系好稀嘅腩汁. 话系牛肉, 但系只见到啖啖都系牛腩
::: 肉燥茄子捞上海面 + 冻台式奶茶 ::: $37
本身都几钟意食捞面嘅呀菲, 对呢个捞上海面竟然都提唔起兴趣! 撇开其家庭式作业嘅卖相, 其实佢d肉燥同茄子都算系足料, 但见到个豉油色兼过多嘅捞汁已经觉得有d唔妥… 味道果然亦不出所料, 个捞面汁好似甜豉油咁, 稀溜溜地浸住咗d面. 肉燥味道甜甜, 不过肉碎太烂, 似pat炸酱多d, 茄子就系分开走油, 味道相对较淡… 不过最唔惦要算系d上海面, 索哂d汁之后竟然有d发涨同糊糊地, 口感完全错哂! 整体嚟讲真系有d失望…
冻台式奶茶味道较淡, 但都饮到少少奶味嘅, 普通啦~
::: 巴东牛肉饭 + 冻青苹果绿茶 ::: $37
本以为巴东牛肉会好似印尼𠮶d feel咁, 点知上枱嘅竟然好似普通嘅牛腩饭, 色水完全唔似, 冇浓浓杰杰嘅汁, 只系好稀嘅腩汁. 话系牛肉, 但系只见到啖啖都系牛腩… 味道都有少少辣嘅, 但系就唔够香, 捞饭食个感觉都只系麻麻, 牛腩质地都叫淋, 但系唔系心目中嘅牛肉, 成个饭都颇为失望…
青苹果绿茶系普遍台式饮品, 好在够冻, 起码有个好处, 酸酸地几开胃~
::: 脆香豆腐 ::: $10
脆香豆腐一碟八件都几抵食! 豆腐炸得几脆口, 点上甜甜嘅酱汁, 系唔错嘅小食~
我地本身都几钟意食台湾野~ 加上openrice上颇多嘅推介好评, 唔多唔少对佢都有d期望… 不过一嚟到已经比环境吓亲, 而食物亦无想像中咁好. 附近仲有好多好野食, 下次再嚟都唔洗食佢!
张贴
