Urban City Diner (已結業)

本身黎到东涌想买杯野饮下，见到格离既星记人流咁惊人，咁又见到呢间既装修同埋相，都觉得几吸引，就走入去试，见到佢餐牌上饮品选择唔多，一心以为佢饮品应该几专业，点知真系令人大失所望咁差。试蓝莓士多啤梨白露茉莉茶，成个名畀我感觉非常好饮啦！虽然佢卖 $40 杯真系几贵下，但谂住咁贵应该会相当出色，所以非常期待，饮品都几靓，沙冰感好重，佢莓味系有既，但药水味好重，成阵味好假，茉莉味完全无既，只有死甜，是但一间既莓沙冰都无咁贵，而且亦都无咁药水味，好差，我饮左三分之一都无就掉左，其他饮品都完全无意欲去试。