新斗記 (已結業)

原本想叫大糯米鸡既，剔咗咗呢个虫草花蒸鸡，五旧斩开咗既鸡中翼，即系两只半，急冻货色，除咗够热，一无可取。蒸腐皮卷反而有D惊喜，比外面食到既清新爽口，亦系热辣辣既，值得推介。南乳猪手，都够热，得四件，碟底连垫高少少既花生都悭返。娥姐粉果就比较得，热辣辣既，点心一定要热先好食架麻。猪膶肠粉，好明显就系一条开三，比起平日系普通酒楼食果D，变相少咗一条。未放豉油，又系微微暖既，D猪膶好薄，有少少鞋同猪膶既腥味，唔见得好好食。好似烟仔饼咁粗既春卷真系过份得离谱，你地估都估到个馅都应该冇乜料到架啦。至于芋角呢，唉，我系警犬黎架嘛，食得出D炸芋角既油好唔掂咯，有少少万年油味。而且一D都唔松化，又唔热先系死罪呀! 唔好忘记我地系早上茶市第一批客呀，冇理由系唔热既。室内装修光猛，格局高档，可惜碗筷清洁度强差人意，严重扣分，侍应服务久佳，竟然添水后，立即转身走人兼抛下一句: 自己冚返好个盖啦。两个人去，二百五十几蚊落楼，成百三蚊位既早餐，咁既食物同服务水平，一D都唔抵食。