籠太子點心專門店

营业中

休息中

今日放假早餐唔食茶记，去食点心兼慢慢叹茶，见呢间龙太子点心好评都几多，咁就去try try啦。雪山叉烧包估唔到最快来的竟然会系雪山叉烧包，一睇个样就知系伏，食一啖已经放弃，个皮系淋架！好似唔知雪左几耐，再拎出泥蒸返热去咁，真系一粒星都唔想俾，男朋友将佢俾返侍应投诉太难食。皮蛋牛肉肠肠粉皮偏厚，完全食唔出皮蛋味，和普通牛肉肠差不多。流沙奶黄包咁多点心之中，流沙奶黄包系最好味嘅！热辣辣的包，咬开d奶黄真系流沙嘅!姜葱牛柏叶份量都算多，姜葱味刚好，爽口唔会韧。原粒瑶柱汤饺呢个系我食过最难食嘅灌汤饺，个汤好淡，只饺嘅馅包得好结实，但又系食唔出乜味，饺皮又厚，非常失望！虾饺皇虾饺皮烟韧，每粒都包住大虾！原只鲍鱼烧卖Gimmick位系只鲍鱼，味道同平时系茶楼食嘅烧卖差唔多，不过不失。煎虾胶酿茄子虾胶入口爽弹，加上厚切的茄子，啖啖肉咁，不过略嫌有点油腻，食完要饮多几杯茶。讲开茶，顺带一提，这里只有桌上保温壶的茶提供，没有任何选择。店员听到我们投诉，所以主动替我们更改删减了雪山叉烧包，服务态度方面加返些分。