百味車仔麵 (已結業)

经过旺角，谂住揾间餐厅求求其其快快脆食个午餐，入左呢间车仔面。餐厅嘅墙画系带有啲怀旧香港嘅画风。有一边墙写住12大推介。呢间车仔面普遍嚟讲都唔算平，叫个3𩠌面就已经42蚊了。𩠌菜同面底选择都算几多。老公叫左猪大肠，牛腩，蟹籽丸配油面加腩汁。猪大肠好多肥膏，咬落口一口油腻感觉; 牛腩冇唛味，而且又鞋口; 蟹籽丸自然系唔会有咩特别。我叫左猪软骨，海鲜卷配薯粉加腩汁。 猪软骨亦都系比较多肥膏；可能海鲜卷炸过关系，整到成碗汤都好多油。我地2个明明加腩汁，汤望落仲系好浅色，食落去好淡口，冇咩味。