媽咪雞蛋仔

营业中

休息中

今日行过先知原来荃湾都开左间，一时心郁就点左个原味鸡蛋仔食。好耐之前系旺角果间食，闲闲地都要等半个钟，好庆幸今日等左十分钟就等到，正！不过好可惜...我果阵食既系外脆内软，香浓鸡蛋味，完全唔会令人觉得腻之余仲可以一粒接一粒咁食...但可惜今日食到既唔系咁。首先，虽然佢系即叫即整，但之前既外脆变成硬，口感唔太好，内在仲系软既，但蛋浆好似唔系好够咁，而且味道都无之前咁香浓，真系几失望下。其实佢而家多左好多唔同既味，可能新口味系好味，但估唔到原味竟然退步，都几可惜。可能下次我会去返旺角果间试返，睇下究竟系单一问题定系全线问题，但就荃湾呢间原味鸡蛋仔，我会觉得唔值得食。