海月．砂 (已結業)

已经帮衬过好好次，因为觉得佢啲鱼生好新鲜、成份set lunch令到人好满足!Lunch set 有好多选择，热食约HK$55-60/set，都几大份，上次同事食咗个鲭鱼定食，有半条鲭鱼，热辣辣，好香好好味。我通常都系食鱼生定食，HK$90/set 包一份鱼生及乌冬或荞麦面(冷或热)随餐附送面豉汤同美味嘅雪糕。 自选三色鱼生饭: 好似系最近先推出，我拣咗海胆、吞拿鱼蓉及虾蓉，份量好多，好好味!杂锦切粒鱼生饭: 好多唔同种类嘅鱼生，有成8至10款，大大粒，又新鲜，系我嘅首选! 热汤乌冬: 可以拣鱼汤或者豉油汤，之前食过鱼汤觉得太浓，所以今次拣豉油，清清地，都OK 冷乌冬: 之前食过好弹牙，但系今次食好似冇咁好食，有啲硬，我谂次次唔同，都OK呢间餐厅好细，最好订枱先嚟，门面唔系好光鲜，不过食物唔错，值得一试!第一次惠顾后送会员咭，之后可以免加一。