康和車仔麵茶餐廳

营业中

休息中

车仔面店嚟讲我最钟意就系大围呢一间， 四个𩠌加杯豆浆先43蚊重要劲足料重送条生菜， 好多时喺出面叫一个面底根本就唔够饱， 加多个面底加几个𩠌可能就已经5字头重冇野饮。 呢一度系绝对食得饱你嘅份量。佢样样𩠌都做得唔错其实呢埋眼笃都可以， 不过如果钟意食辣嘅人 我都会推荐佢哋试下个麻辣猪耳 我今次叫咗猪红，麻辣猪耳，牛筋腩，同埋鲜腐竹。除咗车仔面之外佢嘅芝士捞丁都系必食㗎！ 又系食食下先记得影相， 个鸡扒煎得好香脆juicy! 个面都烚得啱啱好非常爽弹！芝士浓！仲有佢啲小食都好正㗎特别要推荐个炭烧猪颈肉， 不过因为今次太饱冇食到 但见写开食评都讲埋啦。 烧得外脆内嫩。 谂起都流口水另外佢仲有得食鱼面， 系鱼肉整成嘅面条 ，我觉得都几特别，好弹牙。