影片
更多
2019-12-10
445 浏览
呢日喺太子有两间饮品舖都有同某外卖自取app合作做$8优惠，所以lunch time就行嚟呢边试下啦，茶乐系第一间。由于个app买时要订定几点拎，我就拣咗13:30。点知去到呢，就有一连串令我嬲嬲猪嘅情况发生😡。首先，我同同事准时早少少去到店舖系无乜客嘅，前面得对母子，但条队唔系好清楚喺边，又等咗阵先有店员。佢哋终于得闲招呼我喇，我话嚟拎外卖，款式指定咗系皇牌琥珀珍珠奶茶(原价$30)，佢竟然同我讲话黑糖珍珠卖哂？！要等30分钟......佢话因为太受欢迎㖞，而家先煲，无办法㖞，哦😑。唔知间舖几点开店啦，但我见到就无乜人啰...，心谂边有咁快卖哂呀。就算系真，我唔系walk in嚟买嘛，我订咗呢个时间拎，就应该要准备好比客啰。我问咁有无得第日拎，佢又话无...，男店员本身话可以比我转芋圆，但女店员又话剩系可以转普通珍珠比我，你哋想点呀😵？后尾先好似好格外开恩咁比我2沟㖞，但其实我听到佢哋嘅对话系芋圆都唔够。不如你哋早少少准备好啲食材，先开门啦。btw珍珠加芋圆其实唔夹啰。唉劲失望，成程我都唔觉店员有咩歉意😤，你提供唔到我要嘅嘢，又唔比其他选择我，难道真系要我为杯饮品等半个钟？唔使返工都
呢日喺太子有两间饮品舖都有同某外卖自取app合作做$8优惠，所以lunch time就行嚟呢边试下啦，茶乐系第一间。由于个app买时要订定几点拎，我就拣咗13:30。点知去到呢，就有一连串令我嬲嬲猪嘅情况发生😡。
首先，我同同事准时早少少去到店舖系无乜客嘅，前面得对母子，但条队唔系好清楚喺边，又等咗阵先有店员。佢哋终于得闲招呼我喇，我话嚟拎外卖，款式指定咗系皇牌琥珀珍珠奶茶(原价$30)，佢竟然同我讲话黑糖珍珠卖哂？！要等30分钟......佢话因为太受欢迎㖞，而家先煲，无办法㖞，哦😑。
唔知间舖几点开店啦，但我见到就无乜人啰...，心谂边有咁快卖哂呀。就算系真，我唔系walk in嚟买嘛，我订咗呢个时间拎，就应该要准备好比客啰。我问咁有无得第日拎，佢又话无...，男店员本身话可以比我转芋圆，但女店员又话剩系可以转普通珍珠比我，你哋想点呀😵？后尾先好似好格外开恩咁比我2沟㖞，但其实我听到佢哋嘅对话系芋圆都唔够。不如你哋早少少准备好啲食材，先开门啦。btw珍珠加芋圆其实唔夹啰。
芋圆珍珠奶茶
10 浏览
0 赞好
0 留言
唉劲失望，成程我都唔觉店员有咩歉意😤，你提供唔到我要嘅嘢，又唔比其他选择我，难道真系要我为杯饮品等半个钟？唔使返工都唔等啦...。另外，我一次过拎3杯野，我唔开声，佢都无谂过比个袋我易拎小小，无奈至极。
芋圆珍珠奶茶
21 浏览
0 赞好
0 留言
讲返杯嘢饮，而家应该系小芋圆珍珠奶茶(原价$27?)🤔，奶茶算滑，但无茶香味，同埋都系太甜，明明我叫咗走甜，我谂佢根本无跟order做挂...。至于珍珠同芋圆就都好一般，粉粉地唔算好𡁻。味道就未算难饮，但对比其他舖头嚟讲算差，真系只值呢个$8推广价。
总括嚟讲，间嘢真系好唔掂，劲无心做，乜都未准备好就开门，我第一次去饮品舖去到咁嬲🤬。我上文所讲句句属实，如果要自己比钱，我一定唔会再帮衬，因为饮品味道亦都好麻麻😠。
张贴
