豊洲水産海鮮丼専門店 (已結業)

呢日中午同朋友黎佐豊洲水产食lunch ，虽然价钱唔平，但一分钱一分货，刺身全部日本筑地市场直送，有信心保证，加上呢排我地两个都工作太忙，太想食餐好开心下啦。我一黎到就点佐云丹三文鱼子大拖罗丼($368) ，食完真系幸福值爆表！海胆、三文鱼子同大拖罗都份量澎湃，海胆一层层咁叠起，占佐半碗丼。海胆用咗北海道马粪海胆，入口鲜甜无比，味道甘香，令人回味，非常新鲜！好耐冇喺丼饭度食到咁高质嘅海胆！三文鱼子都好鲜甜，完全唔腥，一咬鲜味就即刻爆发。至于大拖罗都一样无得输，油分丰富，嫩滑冇筯，食完口腔都系油脂香，好幸福！所有丼饭都会跟一碗面豉汤，呢度好大碗，而且用料好用心，竟然加佐鱼去熬汤，难怪咁鲜。朋友好钟意食日本野，但系食嘅刺身种类好有限。虽然餐厅丼嘅款式已经好多，但系朋友竟然拣唔到心水，后来发现原来有得自选丼，可以按自己心水随心所欲，佢拣佐三文鱼、帆立贝、火炙鲽鱼边、飞天黑鲔赤身，卖相一样佳！试佐朋友嘅火炙鲽鱼边，非常肥美，入口即溶。黑鲔赤身都推介，鱼油甘香。甜品竟然有蕨饼！超开心！