四季文昌 (已結業)

工作左一个星期，难得等到星期五，当然同屋企happy Friday night 一下喇。订左台七点，十分准时入到去，今次亦有卡位坐，空间感十足。地点十分方便，就系美丽华隔离。由于呢度真系有好多唔同种野食拣，所以手快快就拣左一个四人份竹笙椰子鸡套餐 $688。店员亦好乐意解释套餐里面既唔同𩠌菜。顺带一提，里面有部中型电视，一路都播住英文／韩国流行曲既mv，但不论食物、或是装修都系好中式既，成个combination有啲搞笑。话咁快就黎左个椰子鸡汤喇，职员帮我地放晒啲鸡落去个煲度，滖起煲熟就食得。如果惊唔识就时间既话，每张台都放有一个漏斗，倒转个漏斗落晒啲沙咁就岩岩好食得㗎喇！(漏呀漏呀)滚了！一打开煲盖就闻到浓浓既耶香味 鸡件都算嫩，椰子变软身。综合椰子，鸡，同个汤黎讲，个汤绝对系最出色呀！如果一滚就饮汤既话就会饮到好大阵椰子味，鸡味就比较弱。我地四个人一致认为比佢滚多5－10分钟鸡味会比较出。同行四人都觉得个汤好入味，真系清晒个汤咁济先舍得加水开始打边炉呀！海南珍珠元贝， 煮完真系大缩水啊，不过佢既元贝系痴住个壳既，唔系呃人既重用壳羽衣甘蓝，老实讲真系第一次接触呢个菜，个名起得几好听。