帝樂 - 德國餐廳 (美利樓) (已結業)

周日系家庭日，加上赤柱有一个「圣诞市集活动」举行，因此索性在个多星期前 book定呢间餐厅嘅午市自助餐， 咁就可以食、买、玩在赤柱消磨一个下午!因为book位时已经讲明可以带宠物， 所以拣选露台位置，又望到海景望到沙滩，当日天气清凉又有少许阳光，净系坐喺度望下海景都觉得好正，加埋食住嘢去享受更加之好！食品主题都系以德国式食物为主，最出名嘅德国咸猪手呢度都可以叫做冇得输！即烧即切，皮脆肉嫩，尤其是𠮶「浸」皮脆到好似薯片一样， 另外仲有即烧各式香肠、烧羊髀、鸡髀， 等同一般酒店烧肉种类，任君选择。海鲜只有青口、虾、螺选择，一般货色。热食选择不多，当中有一款蛋饼，既有特色味道又可口，咖哩鸡正常大路口味不太辣，冻食都系冻肉同埋沙律， 番茄仔有两款，一款红色一款橙色， 都系大粒清甜， 当然仲有德国式配菜~酸菜丝，食德国肠及猪手嘅最佳配搭。 特别一提汤只有一款~就系周打青口汤， creamy得嚟青口肉亦多，令我忍唔住都「队」咗两碗甜品有热食嘅面包布甸，同埋两款芝士饼、曲奇饼、迷你件装蛋糕、毛士等等。 因为整个自助餐都没有特别较贵价食材，但加番个海景搭够(室内有卡位及大细枱都比较宽敞啲)，收略高于一