影片
更多
2014-12-12
644 浏览
𠮶日去到热狗之家，虽然已近12点，但系舖头仍未正式开门。或者系openrice开门时间有误？我企系门口望望吓，老板娘见到我就好有礼貌咁问我系度食定外卖，我话系度食，于是佢即刻开张枱比我坐低。过咗颇耐我都未拣到应该试边款热狗，老板娘见我拣唔到，走过嚟好有礼貌同细心问我中唔中意食辣等喜好，再向我介绍我可能会中意既热狗。因为个人做决定真系颇慢既关系，老板娘亦叫我慢慢拣，佢就行开咗，令我完全无压迫感。真系好欣赏老板娘细心有礼既态度！其实老板亦都好nice，见我影低餐牌就即时醒目送上外卖传单，态度非常之好，无令我觉得影相好尴尬！👍👍👍😆我order咗个三响炮芝士热狗。落order后老板娘问我需唔需要饮品，买热狗包一杯茶包菊花茶，另叫饮品就半价。当我考虑紧既时候，老板娘亦请我慢慢选择，佢地整住个热狗先，需要饮品可以再话比佢地知。去到尼度我真系完全被老板娘𠮶份细心感动到我要打篇食评大赞吓佢地既服务态度。😄虽然好想试吓其他食评赞既hazelnut latte,但系因为怕肥，都系要菊花茶算了。无几耐，老板就递上菊花茶。菊花茶好热，我等佢再泡耐啲先饮。味道正常，清新之选。等咗颇耐，热狗终于嚟喇！一嚟到我就
𠮶日去到热狗之家，虽然已近12点，但系舖头仍未正式开门。或者系openrice开门时间有误？我企系门口望望吓，老板娘见到我就好有礼貌咁问我系度食定外卖，我话系度食，于是佢即刻开张枱比我坐低。过咗颇耐我都未拣到应该试边款热狗，老板娘见我拣唔到，走过嚟好有礼貌同细心问我中唔中意食辣等喜好，再向我介绍我可能会中意既热狗。因为个人做决定真系颇慢既关系，老板娘亦叫我慢慢拣，佢就行开咗，令我完全无压迫感。真系好欣赏老板娘细心有礼既态度！其实老板亦都好nice，见我影低餐牌就即时醒目送上外卖传单，态度非常之好，无令我觉得影相好尴尬！👍👍👍😆
我order咗个三响炮芝士热狗。落order后老板娘问我需唔需要饮品，买热狗包一杯茶包菊花茶，另叫饮品就半价。当我考虑紧既时候，老板娘亦请我慢慢选择，佢地整住个热狗先，需要饮品可以再话比佢地知。去到尼度我真系完全被老板娘𠮶份细心感动到我要打篇食评大赞吓佢地既服务态度。😄虽然好想试吓其他食评赞既hazelnut latte,但系因为怕肥，都系要菊花茶算了。
无几耐，老板就递上菊花茶。菊花茶好热，我等佢再泡耐啲先饮。味道正常，清新之选。
等咗颇耐，热狗终于嚟喇！一嚟到我就闻到好强烈既mustard味，𠮶吓觉得不妙，因为我唔系话好中意mustard。点知食落mustard味又唔会过重㖞！一点酸，微辣，加上比较漏既早餐肠，恰到好处！另外不得不提既系令我惊喜既既芝士酱。我以为会系好流质既芝士酱，点知咬落竟然有拉丝既效果！重要一直拉一直拉，几吓之后先拉断，太正了！至于面包简直系尼个热狗既一大亮点。之前睇过尼间既食评话包既表面烘到脆，实在有啲怕佢会烘到好似法包咁硬脆。结果尼个包系烘到我心目中最理想既效果，包面薄薄的一层微脆，内层仍保持新鲜的那种松软！整个包香甜美味，真系值得为尼个包再嚟多几次！！三响炮热狗既重点就系三条肠。个人对肠既认识的确有点混乱，又唔好意思咁蠢叫老板介绍三种肠，但系我觉得我唔会搞错既。以下系也许有点核突既三种肠「横咬面」图
白色既应该系早餐肠，尼种肠比较漏，食得多既话一定会觉得滞！切开成两部分既应该系兵加肠，尼种肠有啲黑椒，相对野味👍👍。最后系大家都熟悉既法兰克福肠，因为尼种肠比较普遍，我食既时候就无乜细心品尝了，不过系好味既！食到尾声既时候附近既中学都开始放lunch，几位店主开始愈嚟愈忙，但系佢地都无望我，无比压力我要我快啲走。唔好意思既系我因为想帮家姐买个热狗番屋企，食完仍然坐系度等佢覆我要边款。等到回覆后我就比钱，顺便话要多个三响炮拎走。于是我继续坐系度等，老板亦无要我企起身等（虽然系无人要坐我个位，但系始终坐位有限，或者有客人会因为见到无位而拣第二间呢？所以始终觉得唔好意思）。等咗颇耐，热狗做好了！老板小心翼翼咁拎过嚟，再细心问我要唔要个袋。有袋当然好！于是我就拎住个热狗快快乐乐咁番屋企喇。
真心好欣赏尼间有heart有质素既诚意小店，今时今日要揾咁既服务态度真系不容易。虽然位置隔涉，但系都好希望多啲人会去试吓，支持佢地！个人认为38蚊一个热狗（最贵的选择）对比附近食巿系有啲贵，不过又真系好好食，值得既！要数缺点就系热狗制作真系需时啦！希望尼样可以改善，同时保持质素啦！
张贴
