麻辣風雲 (京都廣場) (已結業)

出街食饭都好少话想赞下佢哋嘅饮品，但呢度真系令我好想写下佢嘅菊花蜜 ＄48🥰🥰🌻。首先佢系成壶上嘅，个外型好靓，系粉红色肥肥圆圆，上面有花花图案，都几有古代特色。用个碗载住啲菊花蜜都好有古代气氛。味道都唔错，清清甜甜咁好润😋😋跟住讲下前菜凉拌鸡丝粉皮＄68。🐓个汁可能略咸左少少，但捞返鸡丝同埋粉丝嚟食呢就啱啱好。你仲有丝丝嘅青瓜令口感更加爽脆。重头戏系水煮牛肩肉 $268。🐂满满红色相当吸引，差唔多成个面都系红辣椒。牛肉索晒辣汁入味超正，质感亦唔鞋口。另一重头戏花雕醉鸡＄98。🐔成个感觉好清新。分量够多啖啖肉，鸡肉都充满酒味而且好嫩口，真系令人好心醉。近铜锣湾又想有特色，特别钟意饮菊花蜜嘅，不妨试下呢间。